قوستاناي پاترۋلدىك پوليتسيا باتالونىنىڭ بۇرىنعى ينسپەكتورى، 25 جاستاعى جاسلان تولەگەنوۆ ايەلىن ولتىرگەنى ءۇشىن توعىز جىلعا باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى قوستاناي وبلىستىق سوتىنىڭ ءباسپاسوز قىزمەتىنە سىلتەپ.
«سوت سوتتالۋشىنى ايەلىن ولتىرگەنى ءۇشىن كىنالى دەپ تانىپ، 9 جىلعا باس بوستاندىعىنان ايىردى. سوتتالۋشى «پوليتسيا اعا لەيتەنانتى» ارنايى اتاعىنان ايىرىلدى»، - دەپ قورىتىندىلادى قوستاناي وبلىسى تجد.
ەرلى-زايىپتىلار اراسىندا جانجال تۋىنداعان. سوتتا ەر ادامنىڭ ايەلىن ەلەكتر ۇزارتقىشىمەن تۇنشىقتىرىپ ولتىرگەنى ايتىلدى. سودان كەيىن ول ءمايىتتى گاراجعا اپارىپ، دارعا اسۋ ارقىلى ءوز-وزىنە قول جۇمسادى دەپ جاپپاق بولعان. ەرلى-زايىپتىلاردىڭ ارتىندا ەكى كىشكەنتاي بالاسى قالدى.
قوستاناي جاڭالىقتارىندا وسىعان دەيىن 2023 جىلدىڭ 19 قازانىندا جاسلان تولەگەنوۆتىڭ كوپىردەن سەكىرىپ، ءوز-وزىنە قول جۇمساماق بولعان جاس جىگىتتى قۇتقارىپ قالعانى ايتىلادى.
ول ايەلىن 2023 جىلدىڭ 31 قازانىندا ولتىرگەن. سوت-مەديتسينالىق ساراپتاماسىنىڭ قورىتىندىسىنا سايكەس، جابىرلەنۋشىنىڭ ءولىمى مويىننىڭ قىسىلۋىنان مەحانيكالىق اسفيكسيا سالدارىنان بولعان.
سوتتالۋشى ءوز كىناسىن مويىنداپ، ىسىنە وكىندى. بۇرىنعى پوليتسەيدىڭ كىناسى جابىرلەنۋشىنىڭ شاعىمىمەن، كۋالار مەن ساراپشىلاردىڭ دالەلدەمەلەرىمەن، قىلمىستىق ءىس ماتەريالدارىمەن، ونىڭ ىشىندە تەرگەۋ ارەكەتتەرىنىڭ حاتتامالارىمەن، سوت-مەديتسينالىق ساراپتامالاردىڭ قورىتىندىلارىمەن جانە زەرتتەۋلەرىمەن دالەلدەندى.
سوت ەكس-پوليتسەيدىڭ جازاسىن «قىلمىستىق قۇقىق بۇزۋشىلىق جاساۋعا سەبەپ بولعان جابىرلەنۋشىنىڭ ازعىن مىنەز-قۇلقىنا» بايلانىستى جەڭىلدەتىلگەنىن اتادى.
