ەلىمىزدە سۋ تاسقىنىنان زارداپ شەككەن 717 وتباسىعا جاڭا ءۇي مەن پاتەر بەرىلدى. قازاقستان ۇكىمەتى سۋ تاسقىنى سالدارىن جويۋ جانە زارداپ شەككەن ازاماتتارعا جان-جاقتى كومەك كورسەتۋ بويىنشا جۇمىستى ءالى دە جالعاستىرۋدا، دەپ حابارلايدى “ادىرنا” ۇلتتىق پورتالى ۇكىمەتتىڭ ءباسپاسوز قىزمەتىنە سىلتەپ.
”31 552 وتباسى 100 اەك مولشەرىندە بىرجولعى تولەم الدى. 717 وتباسى قيراعان باسپاناسىنىڭ ورنىنا جاڭا ءۇي مەن پاتەرگە يە بولدى. ماسەلەن، قوستاناي وبلىسىنىڭ تۇرعىندارىنا 298 ۇي/پاتەر ۇسىنىلسا، اقمولا وبلىسىندا — 85, اقتوبە وبلىسىندا — 121, سولتۇستىك قازاقستان وبلىسىندا — 135, باتىس قازاقستان وبلىسىندا — 70, قاراعاندى وبلىسىندا — 6, پاۆلودار وبلىسىندا — 2 جاڭا باسپانا بەرىلدى. زارداپ شەككەن تۇرعىندارعا ارناپ شامامەن 1 862 جاڭا ءۇي سالىنىپ جاتىر” دەلىنگەن حابارلامادا.
سونداي-اق، 3 981 وتباسى تۇرعىن ءۇيىن جوندەۋگە جانە قالپىنا كەلتىرۋگە دەپ وتەماقى العانى ايتىلدى.
5 066 وتباسىنا جوعالعان اسا قاجەتتى دۇنيە-مۇلكىن ساتىپ الۋ ءۇشىن 150 اەك مولشەرىندە قوسىمشا كومەك كورسەتىلدى.
بۇدان باسقا، زارداپ شەككەن 34 شوب سۋبەكتىسىنىڭ جالپى سوماسى 377 ملن تەڭگەلىك شىعىنى وتەلدى. بارلىق وبلىستا وڭىرلىك جانە اۋداندىق كوميسسيالار جۇمىس ىستەپ جاتىر. شىعىنداردى وتەۋ جانە قۇجاتتاردى تاپسىرۋ ءتارتىبىن ءتۇسىندىرۋ ءۇشىن 1432 ءنومىرى بويىنشا «اتامەكەن» قر ۇكپ «جەدەل جەلىسى» ىسكە قوسىلعان.
