قاسىم-جومارت توقاەۆ جينالعان جۇرتشىلىقتى مەملەكەتتىك رامىزدەر كۇنىمەن قۇتتىقتاپ، بيىكتى باعىندرعان ازاماتتارىمىزدى ماقتان ەتەنىنى ايتتى.
"وسى مەرەكەگە وراي ءبىز جاڭا عانا ەلىمىزدىڭ باس بايراعىن كوتەردىك. كوك تۋىمىز ءاردايىم بيىكتە جەلبىرەي بەرسىن! تۋىمىزدى تىك ۇستاۋ – ءار ازاماتتىڭ پەرزەنتتىك پارىزى. اسپان تۇستەس كوك بايراعىمىز – ءبىزدىڭ ماقتانىشىمىز. سپورتشىلارىمىز تۋىمىزدى تالاي رەت جەڭىس تۇعىرىنا كوتەردى. جاقىندا قازاقتىڭ قايسار قىزدارى ەۆەرەستكە شىقتى. تۋىمىز الەمنىڭ ەڭ بيىك شىڭىندا تاعى دا جەلبىرەدى. الدا وليمپيادا ويىندارى كەلە جاتىر. نامىستى ورەندەرىمىز پاريج تورىندە تۋىمىزدى تىك ۇستايدى دەپ سەنەمىن", – دەدى پرەزيدەنت.
مەملەكەت باسشىسى بايراقتى تاۋەلسىزدىكتىڭ تۇمارى ءارى ىنتىماقتاستىڭ باستاۋى دەپ اتادى.
"باتىر بابالارىمىز ەل تاعدىرى سىنعا تۇسكەن ساتتە ءبىر تۋدىڭ تۇبىنەن تابىلعان. بىرلىگىن بەكەم ۇستاعان، ەلى مەن جەرىن قورعاعان. بايتاق دالانى كوزىنىڭ قاراشىعىنداي ساقتاپ، ۇرپاعىنا ميراس ەتكەن. سول اماناتقا ادال بولۋ – ۇرپاقتىڭ ۇلى مۇراتى", – دەدى قاسىم-جومارت توقاەۆ.
