مەملەكەت باسشىسى قاسىم-جومارت توقاەۆ الماتىعا ۇقشۇ پارلامەنتتىك اسسامبلەياسى كەڭەسىنىڭ وتىرىسىنا قاتىسۋ ءۇشىن كەلگەن ۇقشۇ-عا مۇشە مەملەكەتتەردىڭ سپيكەرلەرىمەن كەزدەستى. بۇل تۋرالى ۇقشۇ پارلامەنتتىك اسسامبلەياسىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"كەزدەسۋدە ۇقشۇ-نىڭ جاي-كۇيى مەن دامۋ پەرسپەكتيۆالارى تالقىلانىپ، ۇيىمنىڭ پارلامەنتتىك ولشەمىنىڭ ماڭىزدىلىعى ايتىلدى. قازاقستان پرەزيدەنتى ۇقشۇ پارلامەنتتىك اسسامبلەياسىنىڭ قىزمەتىن جوعارى باعالادى. اسسامبلەيا قابىلداعان ۇجىمدىق قاۋىپسىزدىك شارتى ۇيىمىن نىعايتۋدىڭ ماڭىزدى قۇرامداس بولىگى بولىپ تابىلاتىنىن اتالىپ ءوتتى", - دەلىنگەن حابارلامادا.
ايتا كەتەيىك، بۇگىن تاڭەرتەڭ ۇقشۇ ەلدەرى پارلامەنتتىك دەلەگاتسيالارىنىڭ باسشىلارى الماتىداعى 28 گۆاردياشى-پانفيلوۆشىلار اتىنداعى ساياباقتا ماڭگىلىك الاۋعا گۇل شوقتارىن قويدى.
