مەملەكەت باسشىسى يتاليا حالقىن ۇلتتىق مەرەكەمەن قۇتتىقتادى، دەپ حابارلايدى "ادىرنا" ۇلتتىق پورتالى.
بۇگىن يتاليادا رەسپۋبليكا كۇنى تويلانىپ جاتىر. قر پرەزيدەنتى قاسىم-جومارت توقاەۆ يتاليا پرەزيدەنتى سەردجو ماتتارەللانى جانە حالقىن مەرەكەمەن قۇتتىقتادى.
"بۇگىندە يتاليا ساياسي-ەكونوميكالىق ىرگەسى بەرىك، حالقىنىڭ ءال-اۋقاتى جوعارى جانە جاھاندىق ساياساتتا بەدەلى بەكەم ءارى ىقپالدى مەملەكەت سانالادى. بۇل تۇرعىدا، ەلىڭىز بيىل «G7» دامىعان ەلدەر توبىندا بەلسەندى جەتەكشىلىك ەتىپ، جاھاندىق تۇراقتىلىق پەن قاۋىپسىزدىكتى ىلگەرىلەتۋگە قوماقتى ۇلەس قوسىپ وتىر. قازاقستان مەن يتاليا اراسىندا ورناعان ستراتەگيالىق ارىپتەستىكتىڭ ەرەكشە ماڭىزعا يە ەكەنىن اتاپ وتكىم كەلەدى. ىقپالداستىعىمىزدىڭ قارقىنىن نىعايتىپ، الەۋەتى مول سەرىكتەستىگىمىزدىڭ جاڭا قىرلارىن اشقان ريمگە رەسمي ساپارىمدى ىستىق ىقىلاسپەن ەسكە الامىن", – دەپ جازىلعان جەدەلحاتتا.
