بۇگىن، 1 ماۋسىم كۇنى قر بالا قۇقىقتارى جونىندەگى ۋاكىل دينارا زاكيەۆا قازاقستانداعى بارشا بالانى جانە ەل ازاماتتارىن حالىقارالىق بالالاردى قورعاۋ كۇنىمەن قۇتتىقتادى، دەپ حابارلايدى “ادىرنا” ۇلتتىق پورتالى.
زاكيەۆا ءبىزدىڭ اقىلدى، تالانتتى، ءۇمىت ارتقان بالالارىمىزبەن ماقتاناتىنىن جەتكىزدى.
ەلىمىزدىڭ بەتكە ۇستار ازاماتتارى بولاسىزدار دەپ سەنەمىن. سىزدەرگە شىن جۇرەكتەن قىزىقتى دا تانىمدى بالالىق شاق، باقىت، دەنساۋلىق جانە اماندىق تىلەيمىن!، - دەدى قر بالا قۇقىقتارى جونىندەگى ۋاكىل.
بۇدان كەيىن دينارا زاكيەۆا بارشا اتا-انانى حالىقارالىق بالالاردى قورعاۋ كۇنىمەن قۇتتىقتاپ، ەلىمىزدە ءبىز بۇل سالتاناتتى كۇندى ءداستۇرلى تۇردە مەرەكە رەتىندە اتاپ وتەتىنىمىزدى ەسكە سالدى.
بالالار ەلىمىزدىڭ ەڭ ماڭىزدى قۇندىلىعى! سونىمەن قاتار، بالالاردى قورعاۋ، ولاردىڭ قۇقىقتارىن قامتاماسىز ەتۋ جانە قولايلى ءومىر ءسۇرۋ جاعدايلارىن جاساۋ قوعامنىڭ ءار مۇشەسى ءۇشىن باسىمدىق ەكەنىن ءبارىمىز ءتۇسىنۋىمىز كەرەك! بالالار قاۋىپسىزدىگى مەن ءال-اۋقاتى – ورتاق ماقسات.ءار بالانىڭ ءومىرى مەن قاۋىپسىزدىگى ەرەسەكتەرگە جانە ەڭ الدىمەن ونىڭ اتا-اناسىنا بايلانىستى. اتا-انا رەتىندە بالالارىمىزدىڭ تاعدىرى ءۇشىن ءبىرىنشى كەزەكتە ءبىز جاۋاپتى ەكەنىنىمىزدى ۇنەمى ەستە ۇستاۋىمىز كەرەك" دەدى ول.
ونىڭ ايتۋىنشا، ءبىر وكىنىشتىسى، ستاتيستيكا بالالارعا قاۋىپتىڭ ءجيى تونەتىنىن كورسەتەدى.
كۇن سايىن ءۇش بالا تەرەزەدەن قۇلاپ، ۋلانۋدان، جاراقاتتانۋدان، كولىك اپاتىنان قايتىس بولىپ جاتىر. زورلىق-زومبىلىققا قاتىستى تراگەديالاردىڭ كوبىن بولدىرماۋعا بولۋشى ەدى، 70% جاعدايدا اينالاداعى ادامدار ۋاقىتىندا ارەكەت ەتپەدى.سوندىقتان بۇگىن، بالالاردى قورعاۋ كۇنى، مەن، قىمباتتى اتا-انالار، ەرەسەكتەر، ءبارىڭىزدى، بالالارعا سەزىمتالدىق پەن جاۋاپكەرشىلىك تانىتۋعا، بالالار قورعاۋشىسى بولۋعا، ولارعا قيىن جاعدايدا كومەكتەسۋگە، بالالارعا قاتىستى زورلىق-زومبىلىق پەن قاتىگەزدىكتى بولدىرماۋعا شاقىرامىن! ءبىزدىڭ بالالىق شاقتى قورعاۋدىڭ ۇلتتىق جۇيەسىندە ءبىز بيلىكتىڭ بارلىق تارماقتارىنىڭ، ازاماتتىق قوعامنىڭ، ۇكىمەتتىك ەمەس جانە حالىقارالىق ۇيىمداردىڭ تىعىز ءوزارا ءىس-قيمىلى مەن قولداۋىنا سەنەمىز. ءبارىمىز بىرگە بالالارىمىزدىڭ باقىتتى بالالىق شاعى ءۇشىن قاجەت نارسەنىڭ ءبارىن جاساي الاتىنىمىزعا كامىل سەنەمىن!،-دەپ ءسوزىن قورىتىندىلادى ۋاكىل.
پوسموترەت ەتۋ پۋبليكاتسيۋ ۆ Instagram
