قازاقستان رەسپۋبليكاسىنىڭ مادەنيەت جانە اقپارات ۆيتسە-ءمينيسترى بولىپ ايزادا قۇرمانوۆا تاعايىندالدى. بۇل تۋرالى بۇگىن ۇكىمەتتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«قازاقستان رەسپۋبليكاسى ۇكىمەتىنىڭ قاۋلىسىمەن ايزادا امانگەلدىقىزى قۇرمانوۆا مادەنيەت جانە اقپارات ۆيتسە-ءمينيسترى قىزمەتىنە تاعايىندالدى»، دەلىنگەن حابارلامادا.
ايزادا قۇرمانوۆا 1970 جىلى پاۆلودار وبلىسىندا دۇنيەگە كەلگەن. پاۆلودار پەداگوگيكالىق ينستيتۋتىن، يننوۆاتسيالىق ەۋرازيا ۋنيۆەرسيتەتىن بىتىرگەن.
ەڭبەك جولىن 1992 جىلى پاۆلودار وبلىسى ماي اۋدانى ورتا مەكتەبىندە مۇعالىم بولىپ باستاعان. ءار جىلدارى وقۋ ءبولىمىنىڭ مەڭگەرۋشىسى، ورتا مەكتەپ ديرەكتورى بولىپ جۇمىس ىستەگەن.
2002-2007 جىلدارى ەكىباستۇز قالاسى اكىمدىگىنىڭ ىشكى ساياسات ءبولىمىنىڭ باسشىسى;
2007-2009 جىلدارى ەكىباستۇز قالاسى اكىمىنىڭ ورىنباسارى;
2009-2011 جىلدارى پاۆلودار وبلىسى ىشكى ساياسات باسقارماسىنىڭ باسشىسى;
2011-2014 جىلدارى پاۆلودار وبلىسى لەبياجى اۋدانىنىڭ اكىمى;
2014-2016 جىلدارى «نۇر وتان» پارتياسى پاۆلودار وبلىستىق فيليالى توراعاسىنىڭ ءبىرىنشى ورىنباسارى;
2016-2020 جىلدارى VI سايلانعان قر پارلامەنتى ءماجىلىسىنىڭ دەپۋتاتى بولدى.
2020 جىلدان باستاپ قازىرگى ۋاقىتقا دەيىن پاۆلودار وبلىسى اكىمىنىڭ ورىنباسارى قىزمەتىن اتقارعان.
