Qazaqstan Respublikasynyŋ Mädeniet jäne aqparat vise-ministrı bolyp Aizada Qūrmanova taǧaiyndaldy. Būl turaly bügın Ükımettıŋ baspasöz qyzmetı mälımdedı, dep habarlaidy “Adyrna” ūlttyq portaly.
«Qazaqstan Respublikasy Ükımetınıŋ qaulysymen Aizada Amangeldıqyzy Qūrmanova Mädeniet jäne aqparat vise-ministrı qyzmetıne taǧaiyndaldy», delıngen habarlamada. Aizada Qūrmanova 1970 jyly Pavlodar oblysynda düniege kelgen. Pavlodar pedagogikalyq institutyn, İnnovasiialyq Euraziia universitetın bıtırgen. Eŋbek jolyn 1992 jyly Pavlodar oblysy Mai audany orta mektebınde mūǧalım bolyp bastaǧan. Är jyldary oqu bölımınıŋ meŋgeruşısı, orta mektep direktory bolyp jūmys ıstegen. 2002-2007 jyldary Ekıbastūz qalasy äkımdıgınıŋ ışkı saiasat bölımınıŋ basşysy; 2007-2009 jyldary Ekıbastūz qalasy äkımınıŋ orynbasary; 2009-2011 jyldary Pavlodar oblysy ışkı saiasat basqarmasynyŋ basşysy; 2011-2014 jyldary Pavlodar oblysy Lebiajı audanynyŋ äkımı; 2014-2016 jyldary «Nūr Otan» partiiasy Pavlodar oblystyq filialy töraǧasynyŋ bırınşı orynbasary; 2016-2020 jyldary VI sailanǧan QR Parlamentı Mäjılısınıŋ deputaty boldy. 2020 jyldan bastap qazırgı uaqytqa deiın Pavlodar oblysy äkımınıŋ orynbasary qyzmetın atqarǧan.Ūqsas jaŋalyqtar
