بۇگىن، 24 مامىردا سۋدىڭ كوپتىگى مەن قاتتى جەلدىڭ سالدارىنان اتىراۋ قالاسىنىڭ ماڭىنداعى سوكولوك كانالى بويىنداعى بوگەت بۇزىلدى. اتىراۋ وبلىسىنىڭ تج جونىندەگى جەدەل شتابى ايتتى، دەپ حابارلايدى «ادىرنا» ءتىلشىسى.
«سوكولوك» كانالى— اتىراۋ قالاسىنا باعىتتالعان ۇلكەن سۋ ءنوپىرىن جايىق وزەنى ارقىلى رەتتەۋدىڭ نەگىزگى ەلەمەنتتەرىنىڭ ءبىرى. وسىعان بايلانىستى كانال بويىنداعى العاشقى قورعانىس نىسانىنا قوسىمشا، قالانى تاسقىن سۋلاردان قورعاۋعا ارنالعان ەكىنشى قورعانىس نىسانى سالىنعانىن اتاپ وتكەنىمىز ءجون. ەكىنشى قورعانىس بوگەتىنىڭ بەرىكتىگىن قامتاماسىز ەتۋ ماقساتىندا، قوسىمشا نىعايتۋ جۇمىستارى جۇرگىزىلدى»،—دەلىنگەن حابارلامادا.
جەدەل شتاب بوگەتتىڭ بيىكتىگى بالتىق بيىكتىك جۇيەسىنىڭ دەڭگەيىنە سايكەس ۇلعايتىلعانىن مالىمدەدى.
«بۇل ۋچاسكەدە تاۋلىك بويى كەزەكشىلىك ۇيىمداستىرىلىپ وتىر. قازىرگى ۋاقىتتا جاعدايدىڭ وزگەرۋىنە بايلانىستى قاجەتتى شەشىمدەر الۋ ءۇشىن قوسىمشا تەحنيكالار جىبەرىلدى»،—دەپ ءتۇسىندىردى ماماندار.
