بۇگىن كورنەكتى عالىم، قازاقستان ارحەولوگيا مەكتەبىنىڭ نەگىزىن قالاۋشىلاردىڭ ءبىرى، تاريح عىلىمدارىنىڭ دوكتورى كەمەل اقىشەۆتىڭ تۋعانىنا 100 جىل تولدى، دەپ حابارلايدى “ادىرنا” ۇلتتىق پورتالى.
كەمەل اقىشەۆ 1924 جىلى، پاۆلودار وبلىسى، باياناۋىل اۋدانىندا دۇنيەگە كەلدى.
اسكەري ۋچيليششەنى اياقتاعان سوڭ مايدانعا اتتانادى. 1950 جىلى قازاق مەملەكەتتىك ۋنيۆەرسيتەتىنىڭ تاريح فاكۋلتەتىن بىتىرەدى.
كسرو عا ارحەولوگيا ينستيتۋتىنىڭ لەنينگراد بولىمىنە اسپيرانتۋراعا ءتۇسىپ، 1953 جىلى مەملەكەتتىك ەرميتاجدىڭ عىلىمي كەڭەسىندە كانديداتتىق ديسسەرتاتسياسىن قورعايدى.
ستۋدەنتتىك جىلدارى ارحەولوگيالىق قازبا جۇمىستارىنا قاتىسادى. 1955 جىلى قازاق كسرو عا تاريح، ارحەولوگيا، ەتنوگرافيا ينستيتۋتىنىڭ ارحەولوگيا ءبولىمىنىڭ مەڭگەرۋشىسى، سودان كەيىن الكەي مارعۇلان اتىنداعى قر ۇعا ارحەولوگيا ينستيتۋتىنىڭ باس (نەگىزگى) عىلىمي قىزمەتكەرى بولادى. 2000 جىلى استانا قالاسىنا كوشىپ، لەۆ گۋميلەۆ اتىنداعى ەۋرازيا ۇلتتىق ۋنيۆەرسيتەتىندە ارحەولوگيالىق رەكونسترۋكتسيانىڭ لابوراتورياسىن قۇرادى
كەمەل اقىشەۆ وتاندىق عىلىمنىڭ عانا ەمەس، ادامزات دامۋىنا قوماقتى ۇلەس قوستى. تۇڭعىش «التىن ادامدى» تاۋىپ، قازاقستاندى الەمگە ايگىلەدى.
1982 جىلى قازاقستان مەملەكەتتىك سىيلىعىنىڭ لاۋرەاتى، 1966 جىلى قر عىلىم اكادەمياسىنىڭ ش.ءۋاليحانوۆ اتىنداعى ارناۋلى سىيلىعىنىڭ لاۋرەاتى، 1983 جىلى گەرمان ارحەولوگيالىق ينستيتۋتىنىڭ كوررەسپوندەنت-مۇشەسى اتانىپ، قازاقستان عىلىمىنا ەڭبەك سىڭىرگەن قايراتكەر جانە «پاراسات» وردەنىمەن ماراپاتتالعان.
