پرەزيدەنت قاسىم-جومارت توقاەۆ يراننىڭ استاناداعى ەلشىلىگىنە بارىپ، كوڭىل ايتۋ كىتابىنا جازبا قالدىردى، دەپ حابارلايدى "ادىرنا" ۇلتتىق پورتالى.
يران پرەزيدەنتى يبراگيم رايسي مەن ۇكىمەت دەلەگاتسياسى مۇشەلەرىنى 19 مامىردا تىكۇشاق اپاتى سالدارىنان قازا تاپتى. قر پرەزيدەنتى 21 مامىر كۇنى قازاقستانداعى يران ەلشىلىگىنە بارىپ، كوڭىل ايتتى.
"يران يسلام رەسپۋبليكاسىنىڭ پرەزيدەنتى يبراگيم ءرايسيدىڭ جانە ۇكىمەت دەلەگاتسياسى مۇشەلەرىنىڭ مەزگىلسىز قازاسى تۋرالى قارالى حابار قابىرعامىزدى قايىستىردى. ءوز ۇلتىنىڭ ۇلى پەرزەنتى يبراگيم رايسي – وتانىنا ادال قىزمەت ەتكەن تۇعىرلى تۇلعا. ءبىز ونى پاراساتتى باسشى، بەدەلدى ساياساتكەر، ەكى ەلدىڭ ىنتىماقتاستىعىن نىعايتۋعا زور ەڭبەك سىڭىرگەن قايراتكەر رەتىندە ءاردايىم ەستە ساقتايمىز. قازاق حالقىنىڭ جانە ءوزىمنىڭ اتىمنان يراندىق باۋىرلارىمىزعا قايعىرىپ كوڭىل ايتامىن. مارقۇمداردىڭ يمانى سالامات، رۋحى پەيىشتە بولسىن!" – دەپ جازدى مەملەكەت باسشىسى.
يران پرەزيدەنتى يبراگيم رايسي مىنگەن تىكۇشاق 19 مامىر كۇنى اپاتقا ۇشىراپ، پرەزيدەنت پەن بورتتاعى وزگە دە شەنەۋنىكتەر قازا تاپتى.
