تارازدا ەر ادام دوسىن اتىپ ءولتىردى دەگەن كۇدىككە ءىلىندى، دەپ حابارلايدى "ادىرنا" ۇلتتىق پورتالى كتك تەلەارناسىنا سىلتەپ.
الدىن الا اقپارات بويىنشا، اۆتومات قاڭتار وقيعاسى كەزىندە ۇرلانعان. 28 جاستاعى تۇرعىندى ءولتىردى دەگەن كۇدىكتى ونىڭ دوسى بولىپ شىقتى.
كالاشنيكوۆ اۆتوماتىنان وقتىڭ كەزدەيسوق اتىلعان دەپ بولجانعان. پوليتسيا قارۋدىڭ قاڭتار ايىنداعى وقيعا كەزىندە ۇرلاپ كەتكەن بولۋى مۇمكىن ەكەنىن حابارلادى.
"ادام ءولىمى فاكتىسى بويىنشا قىلمىستىق كودەكستىڭ 99-بابى بويىنشا قىلمىستىق ءىس تىركەلدى. كۇدىكتى ۇستالدى جانە ۋاقىتشا ۇستاۋ يزولياتورىنا قامالدى. قاجەتتى ساراپتامالار تاعايىندالدى. الدىن الا اقپارات بويىنشا، جامبىل وبلىسى پوليتسيا دەپارتامەنتىنىڭ عيماراتىنان قارۋ ۇرلانعان. قازىرگى ۋاقىتتا ولاردىڭ وسى وقيعالارعا قاتىسى تەكسەرىلىپ جاتىر", - دەيدى جامبىل وبلىسى پد ءباسپاسوز قىزمەتىنىڭ باسشىسى گۇلسارا مۇحتارقۇلوۆا
