مادەنيەت پەن ونەر قىزمەتكەرلەرىنىڭ مىندەتى ەل ۇشىندە اسا ماڭىزدى. ولار ەلدىڭ تاريحىن، مادەنيەىن دامىتۋعا ۇلكەن ۇلەس قوسۋدا، دەپ حابارلايمىز "ادىرنا" ۇلتتىق پورتالى.
مادەنيەت قىزمەتكەرلەرىنسىز دامۋعا، الەۋەتتى رۋحاني بايىتۋ مۇمكىن ەمەس. بۇل تۋرالى مينيستر ايدا بالاەۆا قازاقپارات تىلشىسىنە بەرگەن سۇحباتىندا باياندادى.
"مادەنيەت پەن ونەر ەڭ ماڭىزدى تاربيەلىك ميسسيانى اتقارادى. ولارسىز ادام تۇتاس، دامىعان، رۋحاني بولا المايدى. مادەنيەت پەن ونەردى مەرەكەلەۋ مادەني مۇرانى ساقتاۋدىڭ، ءپاتريوتيزمدى تاربيەلەۋدىڭ جانە قوعامىمىزدىڭ جالپى مادەني دامۋىنىڭ ماڭىزدىلىعىن اتاپ وتەدى.
مادەنيەت سالاسىن دامىتۋداعى مەملەكەت باسشىسىنىڭ ءرولىن ەرەكشە اتاپ وتكىم كەلەدى.
ونىڭ تاپسىرماسى بويىنشا مادەنيەتتى دامىتۋعا، ونى ناسيحاتتاۋعا جانە ۇلتتىق مۇرانى ساقتاۋعا قولايلى جاعداي جاسالۋدا، شىعارماشىلىق ۇجىمدار مادەنيەتىمىز بەن ونەرىمىزدى جاقىن جانە الىس شەت ەلدەردە تانىستىرۋدا، جاڭا نىساندار سالىنىپ، ماتەريالدىق-تەحنيكالىق بازاسى جاساقتالۋدا. ال بۇل مەملەكەت باسشىسىنىڭ قولداۋىمەن اتقارىلعان جۇمىستىڭ ءبىر پاراسى عانا", - دەدى ايدا بالاەۆا سۇحبات بارىسىندا.
ءوز كەزەگىندە مادەنيەت جانە اقپارات ءمينيسترى شىعارماشىلىقتاعى وكىلدەردىڭ ادىلەتتى قازاقستاندى قۇرۋعا باعىتتالعان پرەزيدەنتتىك رەفورمالاردى قولداپ، جۇزەگە اسىرۋعا اتسالىسىپ جاتقانىن مالىمدەدى. ول مادەنيەتتى دامىۋدا جانقيارلىقپەن جۇمىس ىستەيتىن ادامداردى ناعىز پاتريوتتار دەپ اتاپ ءوتتى.
"مەملەكەت باسشىسىنىڭ الدىمىزعا قويعان ماڭىزدى مىندەتتەرىنىڭ ءبىرى – مادەنيەت ساياساتىن جەتىلدىرۋگە بايلانىستى.
2023 جىلى قازاقستان رەسپۋبليكاسىنىڭ 2029 جىلعا دەيىنگى كەزەڭگە ارنالعان مادەنيەت ساياساتىنىڭ تۇجىرىمداماسى بەكىتىلدى. قۇجات مادەني ساياساتتى دامىتۋدىڭ نەگىزگى قاعيداتتارى مەن تاسىلدەرىن، سونداي-اق نىسانالى ينديكاتورلار مەن كۇتىلەتىن ناتيجەلەردى ايقىندايدى.
ءارتۇرلى باعىتتار بويىنشا جۇيەلى جۇمىس جۇرگىزىلۋدە: ينفراقۇرىلىمدى دامىتۋ، شىعارماشىلىق باستامالاردى قولداۋ، كادرلاردى دايارلاۋ جانە قازاقستاندىق مادەنيەتتى شەتەلدە ناسيحاتتاۋ.
ارينە، قيىنشىلىقتار بار، بىراق بۇل رەتتە جۇيەلى جۇمىستار جۇرگىزىلۋدە، تۇيتكىلدى ماسەلەلەردى قالاي شەشۋگە، ءارى قاراي جۇرۋگە ناقتى كوزقاراس بار.
ايتپاقشى، الەۋمەتتانۋلىق زەرتتەۋلەر حالىقتىڭ وسى سالاداعى قىزمەت كورسەتۋ ساپاسىنا قاناعاتتانۋشىلىق دەڭگەيى 74 پايىزدى قۇراعانىن كورسەتتى. بۇل مادەني ساياساتتى جەتىلدىرۋ بويىنشا قولعا الىنعان شارالار قازىردىڭ وزىندە ءوز جەمىسىن بەرىپ جاتقانىن، بىراق قازاقستاننىڭ مادەنيەتى مەن ونەرىن ودان ءارى دامىتۋ ءۇشىن ءالى دە كوپ جۇمىس كۇتىپ تۇرعانىن اڭعارتادى.
مادەنيەت قايراتكەرلەرى سپەكتاكل ءۇشىن ميلليونداعان تەڭگە الادى دەگەنگە كوپ ادامدار سەنەدى. ارينە، بار، بىراق ولار از. بۇل ۇلكەن جۇلدىزدار، كوممەرتسيالىق تۇرعىدان تابىستى.
دەگەنمەن، ورتاشا جالاقىعا ءوز شىعارماشىلىعىمەن بولىسۋگە دايىن ادامدار ودان دا كوپ.
ولار جۇمىس جاعدايىنا شاعىمدانبايدى جانە وزدەرىنىڭ ونەرىنە ادال بولىپ قالادى. ولاردىڭ ءوز ىستەرىنە بەرىلگەندىگى مەن سۇيىسپەنشىلىگى باعا جەتپەس.
بۇل ادامدار ماڭىزدى ميسسيانى ورىندايدى - ولار قاراپايىم حالىققا قۋانىش پەن رۋحاني قولداۋ اكەلەدى. بۇل ءارتۇرلى داعدارىستار كەزىندە وتە ماڭىزدى. بۇعان تاياۋدا ەلىمىزدىڭ باتىسىندا بولعان سۋ تاسقىنى كەزىندە تۇتاس شىعارماشىلىق ۇجىمدار، جەكە تۇلعالار ءوز باستامالارىمەن كونتسەرت قويىپ، ودان تۇسكەن قارجىنىڭ بارلىعى زارداپ شەككەندەرگە جونەلتىلىپ، ءبىر كۇندىك جالاقىلارىن جيناپ، ءوز ەركىمەن كومەك كورسەتكەندە كوز جەتكىزدىك", - دەپ اتاپ ءوتتى مينيستر.
