الماتىدا اتىشۋلى بلوگەر، "ەليتالىق ەسكورتتار" جەلىسىن قۇرۋشى باس بوستاندىعىنان ايىرىلدى، دەپ حابارلايدى "ادىرنا" ۇلتتىق پورتالى.
بۇل تۋرالى اۋەزوۆ اۋداندىق سوتىنىڭ ءباسپاسوز قىزمەتى حابارلادى.
جەلىدە بىرنەشە اي بۇرىن "ايكانىڭ ءتىزىمى" اتتى اقپارات جاريالانعان بولاتىن. وندا ءتۇرلى ونەر جۇلدىزدارى مەن بەلدى ادامداردىڭ دا ەسىمى بار.
ول اقشاعا سەكسۋالدىق قىزمەت كورسەتۋگە دايىن كەلبەتتى قىزداردى ىزدەپ، باي كليەنتتەردى تارتۋمەن اينالىسقان. اتىشۋلى ءتىزىمى قوعامدا ءبىراز شۋ تۋدىرعان سوتتالۋشى مەفەدروندى زاڭسىز يەمدەنگەن، ساقتاعان جانە تاسىمالداعان، سونداي-اق جەڭگەتايلىق جاساعانى ءۇشىن كىنالى دەپ تانىلدى.
بلوگەردىڭ ۇستىنەن ەكى باپ بويىنشا قىلمىستىق ءىس قوزعالعان.
309-بابى “جەزوكشەلىكپەن اينالىسۋعا پريتوندار ۇيىمداستىرۋ جانە جەڭگەتايلىق” جانە 297-بابى “ەسىرتكى قۇرالدارىن، پسيحوتروپتىق زاتتاردى، ولاردىڭ انالوگتارىن وتكىزۋ ماقساتىندا زاڭسىز دايىنداۋ، قايتا وڭدەۋ، ساتىپ الۋ، ساقتاۋ، تاسىمالداۋ” بويىنشا سوتقا دەيىنگى ءىس قوزعالعان.
ءىس ماتەريالدارىنا سايكەس، قىز 2023 جىلدىڭ مامىر ايىندا ساتۋ ماقساتىنسىز اسا ءىرى مولشەردە مەفەدروندى (پسيحوتروپتىق زاتتى) زاڭسىز ساتىپ الىپ، وزىمەن بىرگە زاڭسىز تاسىمالداعان. ۇستاۋ كەزىندە پوليتسيا قىزمەتكەرلەرى سوتتالۋشىنىڭ سومكەسىنەن پسيحوتروپتىق زات تاركىلەدى.
«سونىمەن قاتار، 2020-2023 جىلدارى م.، ماتەريالدىق پايدا الۋ ماقساتىندا، ءبىر توپ ادام ت.-مەن بىرلەسىپ، قىزداردى اقشا ءۇشىن ينتيمدىك قىزمەتكە سالعان. سوتتالۋشىلاردىڭ كىناسى كۋالاردىڭ ايعاقتارىمەن، ساراپتاما قورىتىندىسىمەن جانە ءىس بويىنشا باسقا دا ماتەريالدارمەن دالەلدەنگەن»، - دەپ اتاپ ءوتتى سوت.
سوت بارىسىندا بويجەتكەن ءوز كىناسىن مويىنداعانىمەن، ونىڭ سىبايلاسى ءبارىن جوققا شىعاردى. پروكۋرور ايكانى 4 جىلعا باس بوستاندىعىنان، ال سىبايلاسىن 3,5 جىلعا سوتتاۋدى سۇرادى.
سوت بلوگەردى 6 جىل 6 ايعا باس بوستاندىعىنان ايىردى. سىبايلاسى 3 جىل 8 ايعا باس بوستاندىعىنان ايىرىلدى.
سوتتىڭ ۇكىمى زاڭدى كۇشىنە ەنگەن جوق.
قازاقستاندىقتار Instagram جەلىسىندە «ەليتالىق ەسكورت قىزدار» جەلىسىنىڭ ۇيىمداستىرۋشىسىن تاپتى
"ايكا" اتىمەن تانىمال بلوگەردىڭ Instagram الەۋمەتتىك جەلىسىندە 100 مىڭنان استام جازىلۋشىسى بار. ول وقىرماندارىنا ءوزىن مودەل، بلوگەر رەتىندە تانىستىرعان.
