يران پرەزيدەنتى جانە سىرتقى ىستەر ءمينيسترى مىنگەن تىكۇشاق اپاتقا ۇشىرادى، دەپ حابارلايدى "ادىرنا" ۇلتتىق پورتالى يرنا-عا سىلتەپ.
يران پرەزيدەنتى ەبراحيم رايسي مەن سىرتقى ىستەر ءمينيسترى حوسەين امير ابدوللاحيان مىنگەن تىكۇشاق شىعىس ءازىربايجان ايماعىندا قاتتى قونعان.
«پرەزيدەنت مىنگەن تىكۇشاق يراننىڭ سولتۇستىك-باتىسىنداعى شىعىس ءازىربايجان ايماعىندا تۇماندى اۋا رايى سالدارىنان جەرگە قۇلادى، پرەزيدەنت كورتەجى تەبريز ايماعىنا بەت الدى»، - دەلىنگەن حابارلامادا.
يراننىڭ ىشكى ىستەر ءمينيسترى احماد ۆاحيدي يبراحيم رايسي كورتەجىنىڭ تىكۇشاعىنىڭ اپاتقا ۇشىراعانىن راستادى. ول وقيعا ورنىنا قۇتقارۋ توپتارىنىڭ جىبەرىلگەنىن مالىمدەدى.
بورتىندا يران پرەزيدەنتى بار تىكۇشاق ازەربايجان پرەزيدەنتى يلحام اليەۆپەن كەلىسسوزدەردەن كەيىن قايتىپ كەلە جاتقان ساتتە ءازىربايجان شەكاراسىنا جاقىن دجولفا قالاسىنا قاتتى قونعان.
تىكۇشاقتىڭ ىشىندە تەبريز يمامى دا بولعانى انىقتالعان. Tasnim اقپارات اگەنتتىگى تىكۇشاق ەكيپاجىنىڭ كوماندالىق ورتالىقپەن بايلانىسقا شىققانىن حابارلادى. ايماققا 16 قۇتقارۋ توبى جىبەرىلگەن.
ازىرگە زارداپ شەككەندەر تۋرالى مالىمەت جوق. يران بيلىگى وزگە دە دەرەكتەردى حابارلايدى.
