تايۆان دەپۋتاتتارى ءبىر-بىرىمەن توبەلەستى، دەپ حابارلايدى "ادىرنا" ۇلتتىق پورتالى ntv-عا سىلتەپ.
جەرگىلىكتى باق-تىڭ حابارلاۋىنشا، 17 مامىر كۇنى بولعان توبەلەسكە زاڭ شىعارۋشى ورگاننىڭ ءوزىنىڭ جاڭا رەفورمالىق جوباسى سەبەپ بولعان. تايۆان پارلامەنتىنىڭ دەپۋتاتتارى جۇمىس كۇنىن بالاعات سوزدەرمەن، توبەلەسپەن جانە مەملەكەتتىك قۇجاتتاردى ۇرلاۋمەن اياقتادى.
دەپۋتاتتار زاڭ شىعارۋشى ورگاننىڭ ءوزىن رەفورمالاۋ تۋرالى زاڭ جوباسىن كەلىسە المادى. بيلىك پارتياسىنىڭ ءبىر دەپۋتاتى پالاتادا ورىن العان بەيبەرەكەتسىزدىكتى پايدالانىپ، توراعانىڭ قولىنداعى زاڭ جوباسى سالىنعان پاپكانى جۇلىپ الىپ، زالدان شىعىپ كەتتى. الىسقا قاشا الماعان دەپۋتات بۇل ارەكەتىن قۇجاتتىڭ قازىرگى قالپىندا قابىلدانعانىن مۇلدە قالامايتىنىمەن ءتۇسىندىردى.
نەگىزگى وپپوزيتسيالىق پارتيا گوميندان پارلامەنتكە ۇكىمەتتى باقىلاۋ ءۇشىن كوبىرەك وكىلەتتىكتەر بەرۋدى ۇسىندى. الايدا لاي دەموكراتيالىق پروگرەسسيۆتى پارتياسىنىڭ جاقتاستارى بۇل تۇزەتۋلەردى "بيلىكتى كونستيتۋتسياعا قايشى تەرىس پايدالانۋ" دەپ باعالادى. توبەلەس سالدارىنان جيىندا حالىق وكىلدەرى زارداپ شەكتى. بىرەۋىن زالدان زەمبىلمەن شىعارىپ، اۋرۋحاناعا جەتكىزدى.
ايتا كەتەيىك، تايۆان پارلامەنتىنە سايلاۋ وسى جىلدىڭ قاڭتار ايىندا وتكەن بولاتىن.
