اۋعانستاننىڭ ورتالىعىندا سۋ تاسقىنىنان 50-دەن استام ادام قازا تاپتى، دەپ حابارلايدى "ادىرنا" ۇلتتىق پورتالى Deutsche Welle باسىلىمىنا سىلتەمە جاساپ.
جەرگىلىكتى بيلىك نوسەر سالدارىنان سۋ تاسقىنى بولىپ، مىڭداعان ۇيلەر قيراپ قالعانىن مالىمدەدى.
"گور پروۆينتسياسىنىڭ ەلۋ تۇرعىنى جۇما كۇنى سۋ تاسقىنىنان قازا تاپتى. تاعى بىرنەشە ادام جوعالىپ كەتتى", - دەدى گور پروۆينتسياسىنىڭ پوليتسيا وكىلى ابدۋل راحمان بادري.
17 مامىر كۇنى ايماققا نوسەر جاڭبىر جاۋدى. ماۆلاۆي تاۋلارىنىڭ ورتالىق پروۆينتسياسىنىڭ اقپارات ءبولىمىنىڭ باستىعى ابدۋل حاي زايم سوزىنشە، زارداپ شەككەندەردىڭ سانى ءالى بەلگىسىز. دەگەنمەن، فەروز-كوح پروۆينتسياسىنىڭ استاناسىندا كەم دەگەندە 2 مىڭ ءۇي قيراپ، 4 مىڭى ىشىنارا بۇلىنگەن.
ودان بولەك، 2 مىڭ دۇكەن سۋ استىنا قالىپ، جۇزدەگەن گەكتار اۋىلشارۋاشىلىق جەرلەرى جويىلعان. اۋعانستاندا قازىر سۋ تاسقىنى سالدارىنان بىرنەشە نەگىزگى جولدار جابىلىپ قالدى.
