كانادا ۇكىمەتى Tiktok جەلىسىنە قاتىستى كۇدىك ءبىلدىردى، دەپ حابارلايدى "ادىرنا" ۇلتتىق پورتالى Ferra.ru-عا سىلتەپ.
كانادانىڭ بارلاۋ قىزمەتىنىڭ باسشىسى دەۆيد ۆيننو كانادالىقتارعا قۇپيالىلىق پەن دەرەكتەردىڭ قاۋىپسىزدىگىنە قاتىستى الاڭداۋشىلىق ءبىلدىرىپ، TikTok قولدانباسىن پايدالانۋ تۋرالى قاتاڭ ەسكەرتۋ جاسادى. ول قىتايدىڭ ستراتەگياسى بۇكىل الەم بويىنشا جەكە اقپاراتتى الۋدى، ۇلكەن دەرەكتەردىڭ اناليتيكاسىن قولدانۋدى جانە جاساندى ينتەللەكتتى دامىتۋدى قامتيدى دەپ سانايدى.
TikTok وكىلى دەنيەل مورگان كانادا ۇكىمەتىنىڭ مالىمدەمەسىن جوققا شىعارعان.
«تيكتوك ەشقاشان كانادانىڭ پايدالانۋشى دەرەكتەرىن قىتاي ۇكىمەتىمەن بولىسكەن ەمەس، ەگەر سۇرالسا، ءبىز مۇنى ىستەمەيمىز»، - دەيدى ول.
ال قاۋىپسىزدىك بارلاۋ ءبولىمىنىڭ باستىعى پلاتفورما قىتاي ۇكىمەتى ءۇشىن اقپارات جيناۋ ارناسى بولىپ تابىلاتىنىنا سەنىمدى. ونىڭ سوزىنشە، قىتايدا دەرەكتەردى وڭدەۋ جانە تالداۋ ورتالىقتارى بار ەكەنىن جانە جاساندى ينتەللەكت دامىپ كەلە جاتقانىن ەسكەرە وتىرىپ، ول تۇپكى ماقسات ارقاشان قىتاي كوممۋنيستىك پارتياسىنىڭ مۇددەلەرىن قورعاۋ ەكەنىن العا تارتتى.
كوپتەگەن ەلدەردە، اسىرەسە اقش-تا TikTok «ۇلتتىق قاۋىپسىزدىك» ماسەلەسى رەتىندە قاراستىرىلادى.
