اتىراۋ وبلىسى ماقات اۋدانىنىڭ اكىمى رينات يبراگيموۆ بۇرىنعى ايەلىنىڭ ايىپتاۋلارىنا جاۋاپ بەردى، دەپ حابارلايدى “ادىرنا” ۇلتتىق پورتالى Tengrinews.kz سايتىنا سىلتەپ.
شەنەۋنىكتىڭ ايتۋىنشا، ايەلى وعان جالا جابۋدا.
"بۇرىنعى ايەلىمنىڭ تاراپىنان ماعان تاعىلعان ايىپ باق-تا تاراپ كەتتى. جەكە ومىرىمە قاتىستى پىكىر ءبىلدىرۋ ورىنسىز دەپ سانايمىن. ال بۇرىنعى ايەىمە سانا بەرسىن دەيمىن. ول سوڭعى جايتتارعا بايلانىستى ءتۇرلى ۆيدەونى قاراپ الىپ، مەنىڭ جۇرت الدىندا جۇرگەنىمدى ءبىلىپ، وسىنداي مالىمدەمە جاساعان بولۋى كەرەك.
ورتاق بالالارىمىز - ەكى قىزىمىز مەنىمەن تۇرادى. بۇل قىزدارىمنىڭ جانە سوتتىڭ شەشىمى. ۇرىپ-سوعۋعا قاتىستى - قازىر سوت پروتسەسى ءجۇرىپ جاتىر، باق وكىلدەرىنەن اسىعىس شەشىم قابىلداماۋدى سۇرايمىن", - دەيدى اۋدان اكىمى.
ەسكە سالساق، اتىراۋ وبلىسى ماقات اۋدانى اكىمىنىڭ بۇرىنعى ايەلى اقمارال ۇمبەتقاليەۆا كۇيەۋى 11 جىل بويى ۇرىپ-سوققان، بالالارىن تارتىپ العانىن ايتىپ بەينەمالىمدەمە جاساعان بولاتىن.
اتىراۋ وبلىسىنىڭ اكىمدىگى مالىمەتىنشە، اۋدان اكىمىنە قاتىستى قىزمەتتىك تەكسەرىس جۇرگىزىلەدى.
