قوستاناي – الماتى باعىتىندا ۇشىپ شىققان FlyArystan اۋەكومپانياسىنىڭ رەيسى بورتىندا ەر ادام قازا تاپتى. بۇل تۋرالى "كوستانايسكيە نوۆوستي" باسىلىمى جاريالادى، دەپ حابارلايدى “ادىرنا” ۇلتتىق پورتالى.
مالىمەت بويىنشا، اۋەكومپانيا قوستاناي-الماتى باعىتىنداعى KS7141 رەيسى كەزىندە جولاۋشىلاردىڭ ءبىرىنىڭ جاعدايى ناشارلاعانىن حابارلاعان. وسىعان بايلانىستى ۇشاق استاناعا شۇعىل قونعان.
«بورتسەرىكتەر جولاۋشىنىڭ تامىر سوعىسى مەن تىنىس الۋىن تەكسەرگەن، بىراق تىرشىلىك بەلگىسىن تاپپاعان. نۇسقاۋلارعا سايكەس ەكيپاج العاشقى مەديتسينالىق كومەك كورسەتۋدى باستاپ، بورتتا دارىگەر ىزدەۋگە كىرىستى. سودان كەيىن ستيۋاردەسسالار دارىگەرمەن بىرگە دەفيبريللياتور ارقىلى جۇرەك-وكپە رەانيماتسياسىن جاساعان
كومانديردىڭ شەشىمى بويىنشا، جولاۋشىعا مەديتسينالىق كومەك كورسەتۋ ءۇشىن ۇشاق استانا اۋەجايىنا شۇعىل قوندى. اۋەكومپانياسىنىڭ بورتسەرىكتەرى اۋەجايعا كەلگەنشە جۇرەك-وكپە رەانيماتسياسىن جالعاستىردى. وكىنىشكە قاراي، استانا اۋەجايىنىڭ دارىگەرى جولاۋشىنىڭ قايتىس بولعانىن راستادى. اۋەكومپانياسى جولاۋشىنىڭ تۋىستارى مەن جاقىندارىنا قايعىرىپ كوڭىل ايتادى»، - دەلىنگەن اۋەكومپانياسىنىڭ حابارلاماسىندا.
