اۋعانستاننان كەلگەن قانداس ازامات ازاماتتىعىن الا الماي، قۋدالاۋعا ۇشىراعان، دەپ حابارلايدى "ادىرنا" ۇلتتىق پورتالى.
قازاقستان پارلامەنتى ءماجىلىسىنىڭ دەپۋتاتى قازىبەك يسا ءسامي اتتا گۋل ەسىمدى قانداس ازاماتتىڭ قۇجاتىن الا الماي جۇرگەنىن ايتىپ، دابىل قاقتى.
دەپۋتات ىشكى ىستەر ءمينيسترى ەرجان سادەنوۆ مىرزا مەن ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆاعا ۇندەۋ جاسادى.
"سامي (اتى) اتتا گۋل (تەگى), 1992 ج.ت. (پاسپ.: Atta Qul Sami, PO3985684), اۋعانستان ازاماتى، ۇلتى قازاق، اۋعانستان ىشكى ىستەر مينيسترلىگى تاراپىنان 2021 ج. 23 ماۋسىمدا بەرىلىپ، استاناداعى اۋعانستان ەلشىلىگى مەن قر ءسىم كونسۋلدىق قىزمەت دەپارتامەنتى راستاعان №1400-0400-37212 جەكە كۋالىگىندە: «ازاماتتىعى – اۋعانستان، ۇلتى – قازاق» دەپ كورسەتىلگەن. تۋعان-تۋىستارى قازاقستاندا تۇراتىن ءسامي اتاقۇلعا استاناداعى اۋعانستان ەلشىلىگى س.اتتا گۋلدىڭ ەشقاشان سوتتى بولماعاندىعى جانە ونىڭ قازاقستاندا تۇراقتى تۇرۋىنا اۋعان ۇكىمەتى تاراپىنان قارسىلىقتىڭ جوقتىعى تۋرالى جازباشا انىقتامالار بەرگەن،"- دەيدى دەپۋتات. قازىبەك يسا بىلاي دەپ جالعاستىرعان.
ء"سامي اتاقۇل اقىرى دۇنيەجۇزى قازاقتار قاۋىمداستىعى قىزمەتكەرى باقىت سارايدىڭ كومەگىمەن العاشقى تىركەلگەن جانە قانداس كۋالىگىن العان مەكەنجايى بويىنشا قر ازاماتتىعى مەن قازاقستاندا تۇراقتى تۇرۋ رۇقساتى – ىقتيارحات الۋعا بارلىق قۇجاتتارىن جيناپ، اقمولا وبلىسى، اقمول اۋىلىنداعى تسەلينوگراد اۋداندىق پد كوشى-قون بولىمىنە جۇگىنەدى. پارلامەنتكە ارىز جازۋشى ا.ايداشەۆ پەن ب.سارايدىڭ جازۋىنشا، «اقمولا وبلىسى تسەلينوگراد اۋداندىق كوشى-قون ءبولىمى باسشىسى ەسەنتاي قيناياتوۆ قۇجاتتار تولىق بولسا دا قابىلداماي، ۇزاق اۋرەگە سالادى. العاشىندا بارلىق قۇجاتتاردى قاراپ شىعىپ، «تولتىرىلعان انكەتا دۇرىس ەمەس، دۇرىس تولتىرۋ كەرەك» دەپ قايتارعان. ايتقانىنداي انكەتانى تولتىرىپ، قايتادان ە.قيناياتوۆتىڭ الدىنا بارعاندا، ول «بەرىلگەن مەديتسينالىق انىقتامادا پسيحيكالىق ەسەپتە تۇرمايدى دەگەن سويلەم قولمەن جازىلۋى كەرەك» دەپ قايتارادى. قايتادان بارىپ قولمەن جازدىرتىپ الىپ كەلگەندە، ە.قيناياتوۆ «مەنىڭ تەرريتوريامدا اۋعانداردىڭ تۇرۋىنا بولمايدى» دەپ قابىلداماي، يتەرىپ شىعارىپ جىبەرەدى. «بۇل مەكەمە مەن جەر سەنىڭ مەنشىگىڭ ەمەس، مەملەكەتكە تيەسىلى، مەملەكەت قىزمەتكەرى ءوز مىندەتىن اتقارۋى كەرەك» دەگەنگە قۇلاق اسپايدى", - دەيدى ماجىلىسمەن.
قۇجات جاساۋ ءۇشىن سابىلعان ازاماتتى قيناياتوۆ قابىلداماعان. ماجىلىسكە كەلگەن حاتتا اۋداندىق پد باسشىلىعى شاعىم ارىز بويىنشا س.اتتا گۋلدى قابىلداپ، بارلىق قۇجاتتارىن تەكسەرگەنى ايتىلعان. تالاپ-ارىزدى جەتكىزگەندەر قۇجاتى دۇرىس دەپ تانىلعان ازاماتقا باسشىلىق "اۋعاننان كەلگەن" دەگەن ۋاجدەر ايتۋعا تىرىسقانىن ايتقان. ارتىنشا تسەلينوگراد اۋداندىق كوشى-قون ءبولىمى باسشىسى قيناياتوۆ قۇجاتتاردى قابىلداعانىمەن تالوندى بەرمەي ۇزاق كۇتتىرىپ قويعان.
ماجىلىسمەن اتامەكەندى اڭساپ كەلگەن قانداستاردىڭ بەتىن قايتارماۋ كەرەكتىگىن ايتادى.
"اتامەكەنىن اڭساپ كەلگەن قازاعىمىزدى ءتۇن جارىمدا ۇيىنە باسىپ كىرىپ، اۋەجايعا زورلاپ اپارىپ، ۇشاققا زورلاپ سالماق بولىپ، بۇكىل ەلدىڭ كوزىنشە جىلاتىپ، اقىرى شەتەلگە جىبەرە الماعاسىن، ارنايى قاماققا تىعىپ تاستاۋدىڭ ارتىندا نە تۇر؟ بۇل كىمنىڭ تاپسىرماسى؟ حاتتا جازىلعانداي، «ءسامي اتتا گۋلدىڭ ءىسىن قاراعان اقمولا وبلىسى، تسەلينوگراد اۋداندىق سوتى، العاشقىدا سوت ءتورايىمى د.بايكەنجينا پوليتسيا قىزمەتكەرلەرىنە بىرنەشە سۇراقتار قويىپ، بۇلايشا قىسىم جاساۋعا بولمايتىنىن مەڭزەگەن سياقتى بولادى. الايدا، سوت شەشىم شىعارۋ ءۇشىن ۇزىلىسكە شىققان كەزدە پوليتسيا قىزمەتكەرى باقتيار سوت ءتورايىمىنىڭ كابينەتىنە كىرىپ الىپ، 40 مينۋتتاي سويلەسەدى. ۇزىلىستەن كەيىن سوت قر اكىمشىلىك قۇقىق بۇزۋشىلىق تۋرالى كودەكسىنىڭ 517-بابىنىڭ 4-بولىگىمەن كوزدەلگەن قۇقىق بۇزۋشىلىق جاساعانى ءۇشىن س.اتتا گۋلدى كىنالى دەپ تانىپ، «ول قر شەگىنەن اكىمشىلىك جولمەن شىعارىپ جىبەرىلسىن، قاۋلى جاريا ەتىلگەن كۇننەن باستاپ 7 كۇن مەرزىم بەرىلسىن» دەگەن قاۋلى (2024ج.03.04.، ءىس №1166-24-00-3/470) شىعارادى.”-دەيدى", - دەلىنگەن قازىبەك يسانىڭ ماتىنىندە.
