جامبىل وبلىسىندا ءجاسوسپىرىم ءولى كۇيىندە تابىلدى، دەپ حابارلايدى "ادىرنا" ۇلتتىق پورتالى.
2024 جىلى 13 مامىردا مەركى اۋداندىق ورتالىق اۋرۋحاناسىنان پوليتسياعا تۇرعىن ۇيلەردىڭ ءبىرىنىڭ جانىنان كامەلەتكە تولماعان بالانىڭ دەنەسى تابىلعانى تۋرالى اقپارات تۇسكەن.
الدىن الا بولجام بويىنشا مەركە اۋدانىندا جەرگىلىكتى اۆتومەكتەپ اۋماعىندا 10-سىنىپ وقۋشىلارى اراسىندا توبەلەس بولعان. سالدارىنان ءبىر بالا قايتىس بولدى.
جامبىل وبلىستىق پد قىزمەتكەرلەرى تەرگەۋ جۇرگىزىپ، كامەلەتكە تولماعان تۇرعىندى ۇستاپ، ۋاقىتشا ۇستاۋ يزولياتورىنا قاماعان.
سونىمەن قاتار، كۇدىكتىگە قاتىستى سۋىق قارۋدى زاڭسىز الىپ جۇرگەنى ءۇشىن سوتقا دەيىنگى تەرگەۋ امالدارى جۇرگىزىلىپ جاتىر.
