اتىراۋدا جايىق وزەنىندەگى سۋ دەڭگەيى شەكتى دەڭگەيدەن اسقانى انىقتالدى، دەپ حابارلايدى "ادىرنا" ۇلتتىق پورتالى قازتاگ-قا سىلتەپ.
اتىراۋ وبلىسىنىڭ توتەنشە جاعدايلار قىزمەتى سۋ دەڭگەيىنىڭ كۇن سايىن كوتەرىلىپ جاتقانىن حابارلادى.
«2024 جىلعى 14 مامىردا ساعات 8.00-دە جايىق وزەنىندەگى سۋ دەڭگەيىنىڭ وزگەرۋى: يندەربور اۋىلىندا +3 سم، سۋ دەڭگەيى – 1041 سم، كريتيكالىق دەڭگەي – 845 سم; ماحامبەت اۋىلى +14 سم، سۋ دەڭگەيى – 980 سم، كريتيكالىق دەڭگەيى – 850 سم; اتىراۋ قالاسى +6 سم، سۋ دەڭگەيى – 551 سم، كريتيكالىق دەڭگەي – 550 سم; جاڭاتالاپ اۋىلى +7 سم، سۋ دەڭگەيى – 398 سم، كريتيكالىق دەڭگەيى – 500 سم; ەركىنقالا اۋىلى +5 سم، سۋ دەڭگەيى – 356 سم، كريتيكالىق دەڭگەي – 450 سم»، - دەلىنگەن ورتالىقتىڭ حابارلاماسىندا.
