«اتامەكەن» ۇلتتىق كاسىپكەرلەر پالاتاسىنىڭ بۇرىنعى باسشىسى ابىلاي مىرزاحمەتوۆ بەس جىلعا باس بوستاندىعىنان ايىرىلدى. بۇل تۋرالى استانا سوتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
«سوت ۇكىمىمەن م. اسا ءىرى مولشەردە الاياقتىق جاساۋدا كىنالى دەپ تانىلىپ، 5 جىلعا سوتتالدى. ول جەرگىلىكتى ءوزىن-ءوزى باسقارۋ ورگاندارىندا جانە كۆازيمەملەكەتتىك سۋبەكتىلەر سەكتورىندا 10 جىل ۋاقىت مەرزىمىندە قىزمەتكە ورنالاسۋ قۇقىعىنان ايىرىلدى»، - دەلىنگەن استانا قالالىق قىلمىستىق ىستەر بويىنشا اۋدانارالىق سوتتىڭ قاۋلىسىندا.
سونىمەن قاتار سوت ۇكىمىمەن سوتتالۋشىدان "قىلمىستىق جولمەن الىنعان" 5,8 ملرد تەڭگە مەملەكەت پايداسىنا تاركىلەندى.
سوت پرەزيدەنتكە مىرزاحمەتوۆتى مەملەكەتتىك ناگرادالار: «قۇرمەت» جانە 3-دارەجەلى «بارىس» وردەندەرىنەن ايىرۋ تۋرالى ۇسىنىس ەنگىزۋ تۋرالى شەشىم قابىلدادى.
ەسكە سالساق، «اتامەكەننىڭ» ەكس-باسشىسى، سوتتى بولعان بيزنەسمەن قايرات بورانباەۆتىڭ باۋىرىنان اسا ءىرى مولشەردە پارا الدى دەپ ايىپتالدى.
ابىلاي مىرزاحمەتوۆ 2002 جىلى ترانسپورت جانە كوممۋنيكاتسيا ءمينيسترى كەزىندە قتج قارجىسىن تالان-تاراجعا سالعانى ءۇشىن 5 جىلعا سوتتالعان.
