مەملەكەت باسشىسى قاسىم-جومارت توقاەۆ مادەنيەت جانە اقپارات ءمينيسترى ايدا بالاەۆانى قابىلدادى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
پرەزيدەنتكە مادەنيەت جانە اقپارات مينيسترلىگىنىڭ اتقارعان جۇمىستارىنىڭ ناتيجەسى، سونداي-اق ۆەدومستۆونىڭ الداعى قىزمەتى بارىسىندا قولدانىلاتىن پەرسپەكتيۆتى تاسىلدەرى باياندالدى.
قاسىم-جومارت توقاەۆقا اقپارات، مادەنيەت، كرەاتيۆتى يندۋستريا، ازاماتتىق قوعام، ءدىن، ەتنوسارالىق قارىم-قاتىناس، جاستار جانە وتباسىلىق-دەموگرافيالىق ساياسات سالالارىندا قابىلدانىپ جاتقان شارالار تۋرالى مالىمەت بەرىلدى.
ايدا بالاەۆا ۆەدومستۆونىڭ جەتەكشىلىك ەتەتىن سالالارىن دامىتۋعا قاتىستى جوسپارىن ايتتى.
كەزدەسۋ سوڭىندا مەملەكەت باسشىسى مينيسترلىككە مادەني-تاريحي نىسانداردىڭ ينفراقۇرىلىمىن دامىتۋ، شىعارماشىلىقتى قولداۋ، قازاقستاننىڭ مادەنيەتىن شەتەلدە دارىپتەۋ سەكىلدى بىرقاتار ناقتى مىندەت جۇكتەدى. بۇدان بولەك، كرەاتيۆتى يندۋستريانى ينستيتۋتسيونالدىق تۇرعىدا قولداۋ جانە اتالعان سالانى جەدەل دامىتۋ جۇمىستارىن جانداندىرۋ تاپسىرىلدى.
