اتىراۋ وبلىسىندا جايىق وزەنىندەگى سۋ ءالى كوتەرىلىپ جاتىر. 9 مامىر كۇنى سۋدىڭ دەڭگەيى يندەربور كەنتىندە 10, ماحامبەت اۋىلىندا 9 مەتردەن استى. بۇل تۋرالى وبلىستىق تج جونىندەگى جەدەل شتابتىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
جايىق وزەنىندەگى سۋ دەڭگەيى ءبىر تاۋلىكتە يندەر اۋدانىنىڭ ورتالىعى – يندەربور كەنتىندە 13 سانتيمەترگە كوتەرىلدى. بۇگىنگى سۋ دەڭگەيى – 1005 سم. بۇل شەكتى دەڭگەيدەن 160 سانتيمەترگە كوپ.
جايىق سۋى ماحامبەت اۋىلىنىڭ تۇسىندا 915 سانتيمەترگە جەتتى. مۇندا شەكتى دەڭگەي – 850 سم.
ال اتىراۋ قالاسىندا گيدروبەكەتتە سۋ دەڭگەيى 525 سانتيمەتردى كورسەتىپ تۇر. قالا اۋماعىنداعى قاۋىپتى شەك 550 سم دەڭگەيىندە بەلگىلەنگەن.
توتەنشە جاعدايلار مينيسترلىگى قازىرگى تاڭدا قىزىلوردا وبلىسى تجد كۇشىمەن بوگەتتى نىعايتۋ جۇمىستارى جۇرگىزىلىپ جاتقانىن مالىمدەدى.
