بۇگىن قازاقتىڭ تۇڭعىش كينو وپەراتورى ەسكەندىر تىنىشباەۆتىڭ تۋعانىنا - 115 جىل.
قازاقستاننىڭ ەڭبەك سىڭىرگەن ونەر قايراتكەرى تىنىشپاەۆ ەسكەندىر مۇحامەدجانۇلى 1909 جىلى 9 مامىر كۇنى اشحابادتا دۇنيەگە كەلگەن.
بەلگىلى عالىم، قوعام قايراتكەرى، قازاقتىڭ تۇڭعىش ينجەنەر-تەمىرجولشىسى مۇحامەدجان تىنىشپاەۆتىڭ ۇلى.
ول كينوداعى ەڭبەگىن 1928 جىلى باستادى. «ۆوستوككينو» ستۋدياسىنىڭ قازاق ءبولىمىنىڭ اشىلۋىنا جانە «سوڭعى جاڭالىقتار» قازاق كينوجۋرنالىنىڭ قۇرىلۋىنا قاتىستى.
ەسكەندىر تىنىشپاەۆ قازاقستاننىڭ تاريحى تۋرالى بىرقاتار جوعارى كوركەمدىك ويىن جانە دەرەكتى فيلمدەر ءتۇسىردى. وعان مىڭداعان فوتوشەدەۆرلەر تيەسىلى. ول كينووپەراتوردان اۆتورلىق فيلمدەردىڭ رەجيسسەرىنا دەيىنگى جولدى ءوتىپ، قازاق كينوسىندا العاش رەت تريۋكتار تۇسىرە باستادى.
ونى قازاق كينوسىنىڭ اقساقالى دەپ اتايتىن. سەبەبى ە.تىنىشپاەۆ شاكەن ايمانوۆپەن، ءماجيت بەعالينمەن، كەنەنباي قوجابەكوۆپەن، وراز ابىشەۆپەن جانە قازاق كينوسىنىڭ وزگە دە مايتالماندارىمەن بىرگە ۇلتتىق كينەماتوگرافيانىڭ دامۋىنا بەلسەنە قاتىستى. ول «قازاقفيلمنىڭ» قۇرىلۋىنا ەتەنە ارالاسىپ، وندا ۇزاق جىلدار بويى باس وپەراتور بولىپ جۇمىس ىستەدى.
ەسكەندىر تىنىشپاەۆ «كەڭەستىك قازاقستان» كينوجۋرنالى ءۇشىن 10 مىڭنان استام سيۋجەت ءتۇسىردى. «ءبىز جەتىسۋدانبىز»، «ونىڭ ۋاقىتى كەلەدى» كوركەمدىك فيلمدەر - ونىڭ ۇزدىك جۇمىستارى.
