بۇگىن تاۋەلسىزدىك تەڭگەسىندە قولتاڭباسى قالعان مەملەكەت جانە قوعام قايراتكەرى, ەكونوميكا عىلىمدارىنىڭ دوكتورى، پروفەسسور عالىم باينازاروۆ 80-گە تولدى، دەپ حابارلايدى “ادىرنا” ۇلتتىق پورتالى.
عالىم باينازارۇلى 1944 جىلى 17 قىركۇيەكتە تورعاي وبلىسى جانگەلدين اۋدانىندا دۇنيەگە كەلگەن. 1969 جىلى احشي-دى ەكونوميست ماماندىعى بويىنشا تامامداعان. ەكونوميكا عىلىمىنىڭ دوكتورى، پروفەسسور، كسرو مەملەكەتتىك بانكىنىڭ ۇزدىگى.
1969-1976 جىلدارى - مەملەكەتتىك بانكى تورعاي بولىمشەسىنىڭ نەسيە ينسپەكتورى، باسقارۋشىسى، 1976-1985 جىلدارى - مەملەكەتتىك بانكى ارقالىق قالالىق باسقارماسىنىڭ باستىعى، 1985-1987 جىلدارى - كسرو مەملەكەتتىك بانكىنىڭ قازاق رەسپۋبليكالىق كەڭسەسىنىڭ باسقارما باستىعىنىڭ ورىنباسارى، باستىعى، 1987-1992 جىلدارى - قازاگروونەركاسىپ بانكى توراعاسىنىڭ 1-ورىنباسارى، 1992-1993 جىلدارى - قر ۇلتتىق بانكىنىڭ باسقارما توراعاسى بولعان.
1994-1995 جىلدارى - قر پرەمەر-ءمينيسترىنىڭ كەڭەسشىسى، 1995-1996 جىلدارى - قر پرەزيدەنتى اكىمشىلىگىنىڭ ەكونوميكالىق ساياسات ءبولىمىنىڭ كەڭەسشىسى، 1996-98 جىلدارى - «قازپوچتابانك» جاق شەتەلدىك ينۆەستيتسيالار دەپارتامەنتىنىڭ ديرەكتورى، 1997-98 جىلدارى - «اترەم» قارجى-ينۆەستيتسيالىق كومپانياسىنىڭ باس ديرەكتورى، 1998-2002 جىلدارى - قازاقستان ساقتاندىرۋشىلارى وداعىنىڭ توراعاسى. 1999-2002 جىلدارى - «حالىقتىق جيناقتاۋشى زەينەتاقى قورى» جاق پرەزيدەنتى قىزمەتىن اتقارعان.
2000-2002 جىلدارى - قر كولىك قۇرالدارىنىڭ جۇرگىزۋشىلەرى وداعىنىڭ ورتالىق كەڭەسى توراعاسىنىڭ كەڭەسشىسى، 2002-2004 جىلدارى قر پارلامەنتى ءماجىلىسىنىڭ دەپۋتاتى، 2005-2007 جىلدارى قر پارلامەنتى ءماجىلىسى توراعاسى حاتشىلىعىنىڭ مەڭگەرۋشىسى بولدى.
سونداي-اق، «پاراسات» وردەنىمەن، (2005); «مەملەكەتتىك بانك ۇزدىگى» بەلگىسىمەن، گراموتالارمەن ماراپاتتالعان.
