مەملەكەت باسشىسى قاسىم-جومارت توقاەۆ كوستەنكو اتىنداعى شاحتانىڭ ەلەكتر سلەسارى ايبار قوسانوۆتى ءىىى دارەجەلى "ەڭبەك داڭقى" وردەنىمەن ماراپاتتادى. بۇل تۋرالى اقوردا جاريالادى، دەپ حابارلايدى “ادىرنا” ۇلتتىق پورتالى.
"مەملەكەت باسشىسىنىڭ جارلىعىمەن جانكەشتى جانە جەمىستى ەڭبەگى ءۇشىن Qarmet اكتسيونەرلىك قوعامىنىڭ كوستەنكو اتىنداعى شاحتاسىنىڭ جەراستى ۋچاسكەسىنىڭ ەلەكتر سلەسارى ايبار بەكبولاتۇى قوسانوۆ ءىىى دارەجەلى "ەڭبەك داڭقى" وردەنىمەن ناگرادتالدى", - دەلىنگەن حابارلامادا.
ەسكە سالا كەتەيىك، 2 مامىر كۇنى قاراعاندىداعى كوستەنكو شاحتاسى تۇتىندەپ، 200-گە جۋىق كەنشى ەۆاكۋاتسيالانعان بولاتىن.
بىقسىعان وتتى العاشقى ءورت ءسوندىرۋ قۇرالدارىنىڭ كومەگىمەن كونۆەيەر تراسساسىنىڭ ەلەكتر سلەسارى ايبار قوسانوۆ ءسوندىردى.
كەنشى وقيعا تۋرالى حابارلاپ جاتقاندا شاحتانىڭ باسقارۋ بولمەسىندە ءتۇتىن سيگناليزاتسياسى ىسكە قوسىلعان.
ساعات 19:45–تە سيگناليزاتسياعا بايلانىستى ءتۇتىن سوندىرىلگەنىنە قاراماستان ەۆاكۋاتسيا جوسپارى بويىنشا شاحتاداعى 194 كەنشىنى سىرتقا شىعارۋ جونىندە شەشىم قابىلدانعان. ساعات 21:47–دە 187 كەنشى جەر بەتىنە شىعارىلدى.
