اتىراۋ وبلىسى قۇلسارى قالاسىندا سۋ تاسقىنىنان زارداپ شەككەن تۇرعىندار ورتالىق الاڭعا جينالدى. ولار بيلىكتەن باسپانا شىعىنىن وتەپ، ءبىر شارشى مەتر ءۇشىن 400 مىڭ تەڭگە تولەۋدى تالاپ ەتىپ وتىر، دەپ حابارلايدى «ادىرنا» ءتىلشىسى «اق جايىق» باسىلىمىنا سىلتەمە جاساپ.
ونداعان قۇلسارىلىق تالاپتارى ورىندالمايىنشا الاڭنان كەتپەيتىنىن مالىمدەدى. جينالعانداردىڭ ءبىرى، ءۇش بالانىڭ اناسى جازيرا قۇلمۇحانوۆا تۋىستارىمەن بىرگە تۇرۋدان شارشاعانىن ايتتى. ول ءوز ماسەلەسىن شۇعىل تۇردە شەشۋدى تالاپ ەتتى.
«ۇكىمەت سۋعا كەتكەن ءۇيدىڭ الاڭىنىڭ ءار شارشى مەترىن 400 مىڭ تەڭگەدەن ەسەپتەسە، قالاعان جەردەن ءۇي ساتىپ الار ەدىك»،—دەدى ول.
ال تولقىن قوجاحمەتوۆا ءبىر رەتتىك 369 مىڭ تەڭگە كولەمىندەگى ماتەريالدىق كومەك ەسەبىنەن ساراي جالداپ وتىرعانىن مالىمدەدى.
«جاسىمىز 60-قا كەلگەندە بىرەۋدىڭ سارايىندا وتىرمىز. تىم جاقسى، ءۇپ-ۇلكەن ءۇيىمىز بولدى. ۇلدى ۇياعا، قىزدى قياعا قوندىردىق، ەندى راحات ءومىر سۇردىك پە دەگەندە، مىنە، مىناداي جاعداي بولىپ وتىر. ءبىزدى دالاعا قۋىپ شىقتى. اقشامىزدى بەرسىن. ەسەپشوتىمىزعا اۋدارسىن. ءۇيدى ءوزىمىز سالامىز»،—دەدى قوجاحمەتوۆا.
الاڭعا جينالعاندارمەن جىلىوي اۋدانىنىڭ اكىمى جۇمابەك قاراجانوۆ پەن ورىنباسارلارى گۇلنافيز ايشۋاقوۆا مەن نۇربولات سارمانوۆ كەزدەستى. اكىم بارلىق تۇرعىن ءۇي شىعىنىنىڭ تولەنەتىنىن ايتتى. الايدا تۇرعىندار قۇر ۋادەدەن شارشاعاندارىن جەتكىزدى.
«اكىم زارداپ شەككەن نىسانداردى باعالاۋ ناتيجەسى 15 مامىردان كەيىن شىعادى دەپ ۋادە بەردى. الايدا بۇعان دەيىن ول 2 مامىردا جاريالانادى دەلىنگەن. ءبىز ءارى قاراي كۇتە المايمىز!»—دەدى حالىق.
