جۋرناليست راۋل ۋپوروۆ باتىس قازاقستان وبلىسىندا وزەن بويىندا بالاعات سوزدەر ايتقانى ءۇشىن ايىپپۇل سالىنعانىن ايتتى، دەپ حابارلايدى “ادىرنا” ۇلتتىق پورتالى.
«مەنى ۇساق بۇزاقىلىق بابى بويىنشا كىنالى دەپ تاۋىپ، بقو توتەنشە جاعدايلار دەپارتامەنتىنىڭ جۋرناليستەرگە قاتىستى شىعارعان بۇل زاڭسىز شەشىمىنە قاتىستى ادەپسىز سوزدەر ايتقانىم ءۇشىن 20 اەك كولەمىندە ايىپپۇل سالدى»، - دەپ جازدى ۋپوروۆ Facebook پاراقشاسىندا.
جۋرناليست راۋل ۋپوروۆ پەن لۇقپان احمەدياروۆ Youtube-تا سوڭعى ءبىر ايدا باتىس قازاقستان وبلىسىنداعى سۋ تاسقىنى جاعدايىن باعدارلاپ جۇرگەن «پروستو جۋرناليستيكا» ارناسىن باسقارادى. ۋپوروۆ ءۇش ارنايى رەپورتاج، ارنايى شىعارىلىم، جەرگىلىكتى تۇرعىنداردىڭ اڭگىمەلەرى، قۇتقارۋشىلاردىڭ، پوليتسيا قىزمەتكەرلەرى مەن شەنەۋنىكتەردىڭ جۇمىسى تۇسىرىلگەنىن اتاپ ءوتتى.
«بىردە ءبىزدىڭ كوماندا ءتۇن ورتاسىندا ءماجبۇرلى ەۆاكۋاتسيا دايىندالىپ جاتقان ساياجايعا كەلدى، بىراق ءبىز كەلگەننەن كەيىن ءبارى توقتاتىلدى. ايتپاقشى، بۇل ساياجايلاردى سۋ باسپادى، ادامدار ءتۇرلى زاتتارمەن سۋدان ساقتانىپ قالدى. مەنىڭ ويىمشا، بىزدىڭ ۇجىمنىڭ بەلسەندى جۇمىسى وسى ۋاقىتقا دەيىن ايماقتىڭ تەك جاعىمدى كورىنىسىن كورسەتىپ جۇرگەن ادامدارعا ۇناماي قالعان بولۋى كەرەك»، - دەپ بولىسەدى ۋپوروۆ.
ەسكە سالا كەتەيىك، قازاقستاندا بەيادەپ سوزدەر ءۇشىن ايىپپۇل 69 مىڭ تەڭگەنى قۇرايدى نەمەسە 30 تاۋلىككە دەيىن قاماۋعا الىنادى. بۇعان دەيىن بالاعات سوزدەر ايتقان فۋتبول جانكۇيەرلەرىنىڭ جازالانعانىن جازعان بولاتىنبىز.
