بارباستاۋ-اقجايىق-يندەر باعىتىنداعى جول قۇرىلىسى اياقتالادى، دەپ حابارلايدى "ادىرنا" ۇلتتىق پورتالى.
ول تۋرالى باتىس قازاقستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى باۋىرجان ايتماعامبەتوۆ مالىمدەدى. ايتا كەتەيىك وبلىستىق ماڭىزى بار بارباستاۋ-اقجايىق-يندەر جولىنىڭ 43-93 شاقىرىمى ياعني جالپى ۇزىندىعى 50 كم اۆتوموبيل جولىن قايتا جاڭعىرتۋ جۇمىستارى بيىل اياقتالادى.
"جوبانى ىسكە اسىرۋ مەرزىمى – 2021-2024 جىلدار. بۇگىنگى كۇنگە دەيىن 43,4 شاقىرىم جول توسەلىپ، جۇمىستىڭ 85%-ى ورىندالدى. اتالعان نىساندى اياقتاۋ ءۇشىن بيىل جەرگىلىكتى بيۋدجەتتەن 3,2 ملرد.تەڭگە قارجى ءبولىندى. قازىرگى كەزدە جۇمىستاردى جالعاستىرۋ ءۇشىن دايىندىق جۇمىستارى جۇرگىزىلۋدە",–دەدى باۋىرجان ايتماعامبەتوۆ.
سونىمەن قاتار باتىس قازاقستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ باسشىسى بيىل بارباستاۋ-اقجايىق-يندەر اۆتوموبيل جولىنىڭ 93-145 شاقىرىمىن كۇردەلى جوندەۋ جۇمىستارى باستالاتىنىن اتاپ ءوتتى. قازىرگى تاڭدا مەردىگەردى انىقتاۋ ءراسىمى اياقتالدى. جوعارىدا اتالعا تاس جولدى "Uniserv" جشس جوندەيتىن بولادى.
