تالدىقورعانداعى مەكتەپتەردىڭ بىرىندە تىشقاننىڭ جۇرگەنى بەينەگە ءتۇسىپ قالعان، دەپ حابارلايدى "ادىرنا" ۇلتتىق پورتالى.
جەلىدە تاراعان ۆيدەونىڭ جازباسىندا تىشقان قالاداعى №28 مەكتەپتىڭ اسحاناسىندا جۇرگەن.
مەكتەپ وقۋشىلارىنىڭ ايتۋىنشا، ءبىلىم مەكەمەسىنىڭ باسشىلىعى بۇل ماسەلەدەن حاباردار. بەينە جاريالانعان سوڭ جەتىسۋ وبلىستىق ءبىلىم باسقارماسى جاعدايدى تەكسەرەتىنىن مالىمدەدى.
"جاريالانعان ۆيدەونى ناقتىلاۋ ءۇشىن ارنايى جۇمىس توبى جىبەرىلدى. جۇمىس ناتيجەلەرى قوسىمشا حابارلاناتىن بولادى", - دەدى وبلىستىق ءبىلىم باسقارماسى.
