جايىق جاعاسىن بيىك بوگەتپەن نىعايتۋ جۇمىستارى جۇرگىزىلدى، دەپ حابارلايدى "ادىرنا" ءتىلشىسى.
ءبىر ايعا جەتپەيتىن ۋاقىت ىشىندە جاعانى بەكىتۋ جۇمىستارىنىڭ 97 پايىزىن اياقتالىپ، 510 شاقىرىمنان اساتىن قورعانىس بوگەتى تۇرعىزىلدى. تاسقىنعا قارسى جۇمىستارعا 15 مىڭنان استام ادام مەن 1400-گە جۋىق تەحنيكا جۇمىلدىرىلدى.
جايىق وزەنىنەن كاسپي تەڭىزىنە سۋ وتكىزۋ قابىلەتىن ارتتىرۋ ءۇشىن وزەن ءتۇبىن تەرەڭدەتۋ جۇمىستارى ءجۇرىپ جاتىر. قازىر 11,5 تەكشە مەتر توپىراق الىپ تاستالدى. ال جايىقتىڭ بۇگىنگى جاعدايىن ايتار بولساق، قالادا ءبىر تاۋلىكتە سۋ تاعى 4 سم-گە كوتەرىلىپ، 446 سم-گە جەتتى. قاۋىپتى دەڭگەي 550 سم.
