قازاقستاندا ەكىنشى دۇنيەجۇزىلىك سوعىستاعى جەڭىس كۇنىنە ارنالعان اسكەري شەرۋ تەك بايقوڭىر قالاسىندا وتەدى، دەپ حابارلايدى "ادىرنا" ۇلتتىق پورتالى.
9 مامىردا قازاقستانداعى جەڭىس شەرۋى بايقوڭىردا وتەتىنىن انىقتالدى. ال شارانى رەسەي فەدەراتسياسى قارجىلاندىرادى.
جوسپارعا سايكەس، قالانىڭ ورتالىق الاڭىندا جاتتىعۋ جاساقتارى وتەدى. ولاردىڭ قاتارىندا پوليتسيا قىزمەتكەرلەرى، توتەنشە جاعدايلار مينيسترلىگى، رەسەي وكىلدەرى بولادى.
ودان بولەك، قالا جانە عارىش ايلاعى باسشىلىعىنىڭ ۇيىمداستىرۋىمەن ميتينگ، "ماڭگىلىك الاۋعا – جەڭىستىڭ 75 جىلدىعىنا" ارنالعان مونۋمەنتكە گۇل شوقتارىن قويۋ ءراسىمى جوسپارلانعان. جەڭىستىڭ 79 جىلدىعىنا ارنالعان «ءبىز ءومىر سۇرەمىز جانە ەستە ساقتايمىز!»، «جۇرەگىمىزدەگى جەڭىس جاڭعىرىعى» مەرەكەلىك كونتسەرتتىك باعدارلامالارى جانە «كاتيۋشا» فلەشموبى دا وتەتىن بولادى.
بۇگىندە بايقوڭىردا ەكىنشى دۇنيەجۇزىلىك سوعىس ارداگەرلەرى قالماعان.
ايتا كەتەيىك، بيىل قازاقستان بيۋدجەتتى ۇنەمدەۋ ەسەبىنەن وتان قورعاۋشىلار كۇنى مەن جەڭىس كۇنىنە وراي اسكەري شەرۋ وتكىزۋدەن باس تارتقان بولاتىن. ءدال وسىنداي سەبەپپەن 2022–2023 جىلدارى دا بۇل كۇن تويلانباعان. ال 2020–2021 جىلدارى كوروناۆيرۋستىق پاندەمياعا بايلانىستى مەرەكە تويلانبادى.
