اقتوبە وبلىسى ىرعىز اۋدانىندا دا توتەنشە جاعداي جاريالاندى. بۇل تۋرالى اقتوبە قالاسى اكىمىنىڭ ءباسپاسوز حاتشىسى ايگۇل بايمەنوۆا مالىمدەدى، دەپ حابارلايدى “ادىرنا” ۇلتتىق پورتالى.
«قارعالى سۋ قويماسى تولدى جانە قارعالى وزەنىندە سۋ دەڭگەيى كوتەرىلىپ، اقجار جانە سادوۆوە تۇرعىن الاپتارى اۋماعىنداعى باۋ-باقشا ۇجىمدارىن سۋ باسۋ قاۋپى تۋىندادى. توتەنشە جاعدايلار دەپارتامەنتى، جەرگىلىكتى اتقارۋشى ورگان وكىلدەرى، پوليتسيا مەن اسكەريلەر 140-تان استام ادامدى قاۋىپسىز جەرگە كوشىردى. ولاردىڭ 25-ءى - بالا»، -دەدى اقتوبە قالاسى اكىمىنىڭ ءباسپاسوز حاتشىسى ا.بايمەنوۆا.
قارعالى وزەنى بويىندا ورنالاسقان باۋ-باقشا ۇجىمدارىنىڭ ءۇيىن ساقتاۋ ءۇشىن سۋ بۇرۋ، ارنانى بەكىتۋ جۇمىستارى جۇرگىزىلگەن. سۋدىڭ باعىتىن بوگەۋ جۇمىستارىنا 80-نەن اسا اسكەري، مەردىگەر كومپانيا وكىلدەرى مەن 10-عا جۋىق اۋىر تەحنيكا جۇمىلدىرىلعان.
ايتا كەتەيىك، بۇل وڭىردەگى توتەنشە جاعداي جاريالانعان التىنشى اۋدان. سونىمەن بىرگە اقتوبە قالاسىندا دا تۇندە 100-دەن استام ادام ەۆاكۋاتسيالاندى.
ەسكە سالساق، بۇعان دەيىن اقتوبە قالاسى مەن ويىل، قوبدا، مۇعالجار، تەمىر، ايتەكە بي اۋداندارىندا توتەنشە جاعداي جاريالاندى.
