تانىمال ءانشى ءوزىنىڭ تۋعان كۇنىن گەرمانيادا اتاپ ءوتتى، دەپ حابارلايدى “ادىرنا” ءتىلشىسى Massaget.kz-كە سىلتەپ.
قاراقات ءابىلدينا 7 ءساۋىر كۇنى 46 جاسقا تولدى. ول تۋعان كۇنىن گەرمانيانىڭ فرانكفۋرت قالاسىندا وتباسىلىق دوستارىمەن اتاپ وتكەنىن جەلىدەگى پاراقشاسىندا جاريالادى.
ول الەۋمەتتىك جەلىدەگى پاراقشاسىندا فرانكفۋرت قالاسىنداعى ورمانداردىڭ بىرىندە دوستارىمەن بىرگە سەرۋەندەپ كەلگەنىن كورسەتتى.
"قۇرمەتتى وقىرماندارىم، اعايىن-تۋىس، دوس-جاران، بارشاڭىزدىڭ بۇگىنگى مەنىڭ جەكە مەنشىك مەرەكەمە، تۋعان كۇنىمە ارناپ جاتقان قۇتتىقتاۋلارىڭىز، جاقسى تىلەكتەرىڭىز ءۇشىن العىسىمدى بىلدىرەمىن! كوپ-كوپ راقمەت! وسى جاققا كەلگەلى جاۋىندى-شاشىندى اۋا رايى، مىنەكەي، 6 ءساۋىر اۋا رايى ءان سالىپ تۇر. بالالارىم قاسىمدا بولمادى دەمەسەم، قالعانىنىڭ ءبارى جاقسى. قىدەكەڭ مەن دوستارىمىز فرانكفۋرتتاعى ادەمى ورمانداردىڭ بىرىنە الىپ كەلدى. تابيعات، تازا اۋا. ەڭ باستىسى، ەلىمىز امان بولسىنشى. جەرىمىزگە تىنىشتىق تىلەيمىن، - دەدى ءانشى.
