باس پروكۋراتۋرا ەكس-پرەزيدەنت نۇرسۇلتان نازارباەۆتىڭ قىزى ءاليا نازارباەۆانىڭ رەيدەرلىك ارەكەتى تۋرالى ارىزىن تىركەدى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.
«2024 جىلعى 4 ناۋرىزداعى ارىز باس پروكۋراتۋرانىڭ اقپارات كىتابىنا تىركەلىپ، پروتسەسسۋالدىق شەشىم قابىلداۋ ءۇشىن قارجى مونيتورينگى اگەنتتىگىنە جولدانعانىن مالىمدەيمىز»،—دەلىنگەن حابارلامادا.
ەسكە سالا كەتەيىك، 28 اقپاندا كاسىپكەر نۇرلان بيمۋرزين ءاليا نازارباەۆانىڭ قۇنى 170 ميلليون دوللار (2003 جىلعى ەسەپ بويىنشا) بولاتىن جۇمىس ىستەپ تۇرعان بيزنەسىن تارتىپ العانىن ايتقان ەدى. سونداي-اق ول كونستيتۋتسيالىق كەڭەستىڭ بۇرىنعى توراعاسى يگور روگوۆتىڭ ايەلى ۆالەنتينا روگوۆا مەن ءاليا نازارباەۆانىڭ ۇستىنەن باس پروكۋراتۋراعا ارىز تۇسىرگەنىن مالىمدەدى.
«سەرىكتەسىم مەدعات قاليەۆ ەكەۋىمىز وسى ءساتتى 20 جىل كۇتتىك. ويتكەنى جيىرما جىل بويى جاقىندارىمىز بەن وتباسىمىزدىڭ اماندىعى ءۇشىن قورقىپ كەلدىك. ويتكەنى ولاردان قىسىم بولدى»،—دەدى كاسىپكەر.
