شۇعىلالى كوكتەمنىڭ العاشقى مەرەكەسى – «العىس ايتۋ» كۇنى. اتالمىش مەرەكە ەلىمىزدە قاتارىنان 9 جىل تويلانىپ كەلە جاتىر. داستۇردەن جاڭىلماي الماتى وبلىسىندا دا «العىس ايتۋ - ادامگەرشىلىكتىڭ بەگىسى» اتاۋىمەن ءىس-شارا ءوتتى. مەرەكەلىك شارانىڭ وتۋىنە وبلىستىق «قوعامدىق كەلىسىم جانە دامۋ ورتالىعى» كمم ء–ى مۇرىندىق بولدى.
ايتۋلى كۇن قازاقستان حالقىنىڭ بارلىق وڭىرلىك اسسامبلەيالارىنىڭ قاتىسۋىمەن (قحا) مەرەكەلىك تەلەكوپىردەن باستالدى. تىكەلەي بايلانىسقا قاتىسۋ ءۇشىن وبلىس اكىمدىگىنىڭ عيماراتىنا الماتى وبلىسى اكىمىنىڭ ورىنباسارى نۇرجان قۇدايبەرگەنوۆ جانە ەتنومادەني ورتالىقتاردىڭ وكىلدەرى جينالدى.
كەزدەسۋدى اشا وتىرىپ، قحا توراعاسىنىڭ ورىنباسارى مارات ءازىلحانوۆ العىس ايتۋ كۇنى-ءبىزدىڭ بىرلىگىمىزدىڭ، تاريحي جادىمىزدى ساقتاۋدىڭ، ۇرپاقتار بايلانىسىن جانە حالىقتىڭ بىرلىگىن نىعايتۋدىڭ سيمۆولى ەكەنىن اتاپ ءوتتى.
تەلەكوپىرگە بايلانىسقا شىققان ءوڭىر باسشىسىنىڭ ورىنباسارى نۇرجان قۇدايبەرگەنوۆ «العىس ايتۋ» كۇنى جاي عانا مەرەكە ەمەس ەكەنىن العا تارتتى. ول ، بىرەگەي مەيرام- بىرلىك پەن دوستىقتىڭ، ءوزارا سىيلاستىقتىڭ سيمۆولى ەكەنىن ايتتى. جاۋاپتىلار، مەرەكە كۇنى ۇيىمداستىرىلعان شارانىڭ باستى ماقساتى وتكەنگە شەگىنىس جاساي وتىرىپ، ەتنوسارالىق ىنتىماقتى ارتتىرۋ دەيدى.
شارانىڭ ەكىنشى بولىگى مادەنيەت ۇيىندە جالعاسىن تاپتى.
عيماراتتىڭ الدىندا 8 بىردەي ەتنومادەني بىرلەستىكتەردىڭ جانە قول ونەر شەبەرلەرىنىڭ بۇيىمدارىنان كورمە ۇيىمداستىرىلىپ، ءتۇرلى ەتنوس وكىلدەرىنىڭ ۇلتتىق تاعامدارىنان ارنايى ءدام ازىرلەنىپ، كەلگەن قوناقتارعا ۇسىنىلدى. شارانىڭ نەگىزگى بولىمىندە قوعام دامۋىنا ۇلەس قوسىپ، ەلءدىڭ العىسىنا بولەنگەن جاندارعا العىس حات پەن ارنايى ستاتۋەتكا تابىستالدى. بۇدان بولەك، شارا باراسىنىندا «قوعامدىق كەلىسىم جانە دامۋ» ورتالىعىنىڭ باستاۋىمەن جاريالانعان«قازاقستان-باقىت مەكەنى» اتتى ۇزدىك بەينەروليكتەر بايقاۋىنىڭ جەڭىمپازدارى ماراپاتتالدى.
سالتاناتتى جيىندا ءسوز العان الماتى وبلىسى ىشكىساياسات باسقارماسى باسشىسىنىڭ مىندەتىن اتقارۋشى اسەل جالعاسباەۆا بارشا وتانداستاردى ەرەكشە مەرەكەمەن قۇتتىقتادى. ول ءوز سوزىندە,كءوپۇلتتىقازاقستان حالقى ءۇشىن بۇل مەرەكەنىڭ ءمانى – تەرەڭ, ماڭىزى – ەرەكشە ەكەنىن ايتتى.
«الماتى وبلىسى – ەلىمىزدەگى كوپتەگەن ەتنوس وكىلدەرى تىعىز قونىستانعان ءوڭىردىڭ ءبىرى. بۇگىندە ايماقتا 105 ەتنوس وكىلدەرى تاتۋ-ءتاتتى ءومىر سۇرۋدە.بۇگىندە ازاماتتارىمىز ەگەمەن ەلىمىزدى دامىتۋعا، قاستەرلى قازاق جەرىندەگى بەيبىتشىلىكتى، تاتۋلىق پەن كەلىسىمدى نىعايتۋعا ولشەۋسىز ۇلەس قوسۋدا. بىرلىك پەن جاراسىمدى سىيلاستىق سياقتى قاستەرلى قۇندىلىقتار ءبىزدىڭ ەلىمىزدىڭ ءاردايىم اينىماس تەمىرقازىعى بولىپ قالا بەرەدى.وبلىستا ارنايى كەشەندى جوسپار ازىرلەنىپ، وتكىزىلءدى»،-دەدى اسەل مۇراتقىزى.
ايماقتاعى يدەولوگياعا جاۋاپتى جاننىڭ ءسوزىن رەسپۋبليكالىق «اسسامبلەيا جاستارى» قب الماتى وبلىستىق وكىلدىگىنىڭ توراعاسى ۆەرا پلەتنەۆو جالعاستىردى. قازاق جەرىندە دۇنيەگە كەلىپ،قازاقتىڭ سالت-ءداستۇرىن بويىنا ءسىڭىرىپ، ءتىلىن مەڭگەرگەن ارۋ, بىرلىك پەن تۇراقتىلىق قاناجاسامپاز ەلدى جاڭا بەلەسكە كوتەرەتىنءىن ايتىپ، جەرلەستەرىنە جىلى لەبىزىن جەتكىزدى.
قوناقتاردىڭ جۇرەك جاردى تىلەكتەرىنەن كەيىن كونتسەرتتىك باعدارلاما كورەرمەن نازارىنا ۇسىنىلدى. ءار ۇلتتىڭ مادەنيەتىنەن سىر شەرتەتىن كۇمبىرلى كۇي مەن اۋەزدى ءان شىرقالدى. ۇلى دالاداعى اجىراماس تاتۋلىقتىڭ تامىرى تەرەڭدە ەكەنىن بەينەلەيتىن ۇلتتىق بيلەر ساحنالاندى. شارا سوڭىندا ەسكەندىر حاسانعاليەۆتىڭ پاتريوتتىق سەزىمگە تولى «اتامەكەن» ءانى شىرقالدى. وسىلايشا، «العىس كۇنى» ءوز دارەجەسىندە اتالىپ ءوتىلدى.
