قاسىم-جومارت توقاەۆ يران باسشىسىن يسلام رەۆوليۋتسياسى كۇنىمەن قۇتتىقتادى، دەپ حابارلايدى "ادىرنا" ءتىلشىسى اقورداعا سىلتەپ.
مەملەكەت باسشىسى يران يسلام رەسپۋبليكاسىنىڭ پرەزيدەنتىنە جەدەلحات جولداپ، رەۆوليۋتسيا كۇنىمەن قۇتتىقتادى.
“بۇگىندە يران ساياسي تۇعىرى بەرىك، ەكونوميكاسى تۇراقتى دامىعان حالىقارالىق قاۋىمداستىقتىڭ بەدەلدى مۇشەسى. ۇلت بىرلىگى مەن ىنتىماعىن تۋ ەتكەن مەملەكەتىڭىز ءسىزدىڭ باسشىلىعىڭىزبەن الداعى ۋاقىتتا دا يگى ماقسات-مۇراتتارعا جەتە بەرۋىنە تىلەكتەسپىن. يران – ءبىزدىڭ كاسپي ايماعىنداعى ماڭىزدى سەرىكتەسىمىزدىڭ ءبىرى. وسىعان وراي ءداستۇرلى دوستىق پەن مازمۇندى ساياسي ديالوگقا نەگىزدەلگەن ىقپالداستىعىمىز ءوزارا ءتيىمدى ساۋدا-ەكونوميكالىق جانە مادەني-گۋمانيتارلىق ىنتىماقتاستىعىمىزدى نىعايتۋعا بەرىك ارقاۋ بولا بەرەتىنىنە كامىل سەنەمىن”، – دەپ جازىلعان پرەزيدەنت جەدەلحاتىندا.
