بۇگىن - ديكتور، دوتسەنت، فيلولوگ، قازاقستاننىڭ ەڭبەك سىڭىرگەن ءارتىسى ساۋىق جاقانوۆانىڭ تۋعان كۇنى، دەپ حابارلايدى "ادىرنا" ءتىلشىسى.
ساۋىق ماسىعۇتقىزى 1945 جىلى 11 اقپاندا قاراعاندى وبلىسىندا ومىرگە كەلگەن. 1966-2002 جىلدارى - قازاق راديوسىنىڭ ديكتورى بولىپ ەڭبەك ەتكەن.
جارتى عاسىرىن قازاق راديوسىنا ارناعان التىن داۋىستى ديكتور ماماندىقتى جوعارى باعالاعان.
"راديو تىڭداۋشىعا دىبىستاپ وقۋ، سويلەۋ ارقىلى جەتەتىن اقپارات قۇرالى بولعاندىقتان، ءبىرىنشى ديكتوردىڭ داۋسىنا ءمان بەرىلەدى", -دەگەن ساۋىق جاقانوۆا.
انۋاربەك بايجانباەۆ تا «ەندى ديكتورعا سەنبەي كور» دەگەن پىكىرىندە تىڭداۋشى قيالىن اسقاقتاتاتىن ديكتوردىڭ شەبەرلىگىن ايتقان.
"قازاق راديوسىنىڭ قارلىعاشى" اتانعان ساۋىق جاقانوۆا بۇگىندە "سويلەۋ تەحنيكاسى", "جۇرگىزۋشىنىڭ سويلەۋ مادەنيەتى" اتتى كىتاپتارىنىڭ اۆتورى، دارىسكەر، دوتسەنت.
ول كىسى 1985 جىلى "قۇرمەت بەلگىسى" وردەنىمەن، 1995 جىلى قازاقستان رەسپۋبليكاسىنىڭ ەڭبەك سىڭىرگەن ءارتىسى اتاعىمەن ماراپاتتالدى.
