قازاقستاندا 14,6 مىڭ شەتەلدىك زاڭدى تۇردە جۇمىس ىستەيدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى ايتتى، دەپ حابارلايدى «ادىرنا» ءتىلشىسى.
«1 قىركۇيەكتەگى جاعداي بويىنشا جەرگىلىكتى اتقارۋشى ورگانداردىڭ رۇقساتىمەن قازاقستان اۋماعىندا 14 571 شەتەل ازاماتى ەڭبەك ەتەدى. شەتەل جۇمىس كۇشىن تارتۋعا رۇقساتتاردىڭ اراسىندا مىناداي ساناتتار بار: باسشىلار مەن ولاردىڭ ورىنباسارلارى ءۇشىن 527 رۇقسات ء(بىرىنشى سانات), قۇرىلىمدىق بولىمشەلەردىڭ باسشىلارى ءۇشىن 2 732 رۇقسات (ەكىنشى سانات). جۇمىس كۇشىنىڭ نەگىزگى بولىگى ءۇشىنشى (ماماندار) جانە ءتورتىنشى (بىلىكتى جۇمىسشىلار) ساناتتارعا جاتادى – تيىسىنشە ولار 6 322 جانە 727 ادام»،—دەلىنگەن حابارلامادا.مينيسترلىكتىڭ ايتۋىنشا، ەڭبەك ميگرانتتارى كوپ كەلەتىن نەگىزگى ەلدەر تىزىمىندە قىتاي، وزبەكستان، تۇركيا جانە ءۇندىستان بار.
