الماتىدا بوستاندىق اۋدانى نۇرلى شاعىن اۋدانىنداعى جۇمىس ىستەمەيتىن مونشا كەشەنى ورتەندى. بۇل تۋرالى قالالىق توتەنشە جاعدايلار دەپارتامەنتى جاريالادى، دەم حابارلايدى “ادىرنا”.
جەدەل شتاب اشىلىپ، ءورتتى ءسوندىرۋدىڭ ەكى ۋچاسكەسى قۇرىلدى. 66 ادام، 22 بىرلىك تەحنيكا جۇمىلدىرىلعان.
جالىن 2 قىركۇيەك 23:00 شاماسىندا باستالىپ، 3 قىركۇيەك 00:27-دە وقشاۋلاندى، ساعات 01:20-دا جويىلدى. قۇرباندار مەن زارداپ شەككەندەر جوق، جاقىن ماڭداعى ۇيلەرگە تارالمادى.
ەكى قاباتتى اعاش عيماراتى ورتەندى. الاۋ – 600 شارشى مەتر. عيمارات بۇزىلىپ، قۇلاي باستادى. ءورتتىڭ ەكى تۇرعىن ۇيگە اۋىسۋ قاۋپى تۋىندادى. جوعارى تەمپەراتۋرادان كوپ پاتەرلى ءۇيدىڭ ەكىنشى جانە ءۇشىنشى قاباتتارىنىڭ بالكوندارى ەري باستادى، – دەپ حابارلادى الماتى تجد.
ۇقساس جاڭالىقتار
