استاناداعى بۇگىنگى كەزدەسۋدە گەرمانيا باسشىسى قازاق دالاسىنان جەتكەن ەنەرگيا جايلى ءسوز قوزعادى. ونىڭ حابارلاۋىنشا، قازاقستان شيكى مۇناي جەتكىزۋ ارقىلى گەرمانيانى ەنەرگيامەن قامتاماسىز ەتىپ وتىر. بۇل تۋرالى اقوردادا مەملەكەت باسشىسى قاسىم-جومارت توقاەۆپەن كەلىسسوزدەردەن كەيىنگى باق وكىلدەرىنە بىرلەسكەن مالىمدەمە جاساۋ بارىسىندا گەرمانيا پرەزيدەنتى فرانك-ۆالتەر شتاينمايەر ايتتى، دەپ حابارلايدى "ادىرنا" ۇلتتىق پورتالى.
«سوڭعى ۋاقىتتا قازاقستان گەرمانيانىڭ ەنەرگيامەن جابدىقتالۋىنا ەلەۋلى ۇلەس قوسىپ كەلەدى. اسىرەسە، قازاقستاننىڭ قوسىمشا مۇنايدى بىزگە جەتكىزۋدى جوسپارلاپ وتىرعانى قۋانتادى. بۇل كەلەشەكتە ەلىمىزدە ورنالاسقان مۇناي وڭدەۋ كاسىپورىندارىنىڭ جۇمىسىن جانداندىرىپ، شىعىس گەرمانيامەن جانار-جاعارمايمەن جابدىقتاۋعا مۇمكىندىك بەرەدى»، - دەدى فرانك-ۆالتەر شتاينمايەر.
گەرمانيا باسشىسى سونىمەن قاتار اعىنان جارىلىپ، ىستىق ىقىلاسىن تانىتتى. قازاقستان تاراپىنا قوسىمشا مۇناي جەتكىزەتىندىگى ءۇشىن ريزاشىلىعىن ءبىلدىردى.
«بۇل ەنەرگەتيكالىق سەكتور ءۇشىن وتە جاقسى جاڭالىق ءارى قوسىمشا مۇناي جەتكىزۋ تۋرالى كەلىسىم جاسالعانى قۋانتادى. سول ءۇشىن قازاقستان تاراپىنا شىن جۇرەكتەن العىسىمدى بىلدىرەمىن»، - دەدى گەرمانيا پرەزيدەنتى.
"ادىرنا" ۇلتتىق پورتالى
