قازاقستاندا قانداي تۇرعىن ۇيلەردەن پاتەر ساتىپ الۋعا بولمايدى؟

قازاقستاندا سالىنىپ جاتقان ءاربىر ەكىنشى ءۇي رۇقساتسىز سالىنىپ جاتىر. مۇنداي دەرەكتەر مەملەكەتتىك تۇرعىن ءۇي پورتالىندا جاريالاندى. بۇگىندە بۇكىل قازاقستان بويىنشا ۇلەستىك قاتىسۋعا تىيىم سالىنعان 168 تۇرعىن ءۇي كەشەنى بار. بۇل تۋرالى  Krisha.kz سايتى جاريالادى، دەپ حابارلايدى “ادىرنا” ۇلتتىق پورتالى. استانادا ەڭ كوپ قۇرىلىس سالۋشى-بۇزۋشىلار انىقتالدى. تىزىمدە جۇزدەگەن تۇرعىن ءۇي بار. الماتىدا تۇرعىن ءۇي ساتىپ الۋعا بولمايتىن 6 نىسان بار، ولار:

• "ۆەرونا"
• "دوستار دەليۋكس"
• "وردا سيتي"
• "دەمەۋ رەزيدەنس"
• "تولە بي رەزيدەنس"
• "اۋەزوۆ اپارتامەنتى"

شىمكەنتتە ساتۋعا تىيىم سالىنعان تىزىمدە بارلىعى بەس تۇرعىن ءۇي بار:

• Capital City.
• "تارتۋ".
• "لاتيفا".
• Alim.
• Capital.

ەگەر ايماقتار بويىنشا ايتار بولساق، زاڭسىز سالىنىپ جاتقان ۇيلەر اباي وبلىسىندا جانە شقو-دا كوپ. ارقايسىندا زاڭسىز سالىنىپ جاتقان 15 تۇرعىن ءۇي بار. ودان كەيىن اتىراۋ وبلىسىندا - 8 تۇرعىن ءۇي، اقتوبە وبلىسىندا 5, اقمولا جانە قوستاناي وبلىستارىندا 1 تۇرعىن ءۇي زاڭسىز سالىنىپ جاتىر ەكەن. ايتا كەتەيىك، زاڭسىز سالىنىپ جاتقان تۇرعىن ۇيدەن پاتەر الۋ قاۋىپتى. سەبەبى پاتەر الامىن دەپ اقشا سالعاندار ءۇيدى دە، اقشاسىن دا قايتارىپ الا الماۋى مۇمكىن.