قازاقتىڭ 16 جاستاعى دارىندى قىزى، شاھمات مايتالمانى الۋا نۇرمانوۆا جاھاندىق جارىستا الەم چەمپيونى، قىتايلىق تسزيۋي ۆەنتسزيۋندى "شاڭ قاپتىردى". ءوز اقىلى مەن تەرەڭ ويشىلدىعىنىڭ ارقاسىندا جاھاندىق Pro Chess League ليگاسىندا تولايىم تابىسقا جەتىپ، ءوزىنىڭ Gotham Knights توبىنا جەڭىس سىيلادى، دەپ حابارلايدى "ادىرنا" ۇلتتىق پورتالى.
الۋامەن يىق تىرەسىپ، ءبىر توپتا ويناعان گروسسمەيستەر قاتارىندا حيكارۋ ناكامۋرا، ۆلاديمير فەدوسەەۆ جانە شامسيددين ۆوحيدوۆ سىندى ازاماتتار بار.
ليگانىڭ نەگىزگى كەزەڭىندە الەمنىڭ ەڭ مىقتى ويىنشىلارى توپتاستىرىلىپ، 16 كوماندا ءوزارا باق سىنادى. ولاردىڭ ساپىندا ماگنۋس كارلسەن، حيكارۋ ناكامۋرا، انيش گيري، فابيانا كارۋانا، الەكساندر گريششۋك، كاتەرينا لاگنو سىندى سپورتشىلار بار.
الۋا سونىمەن قاتار حالىقارالىق گروسسمەيستەرلەر ادحيبان باسكارانمەن ء(ۇندىستان), نيكولاس تەودورۋمەن (گرەتسيا), بەندجامين بوكپەن (نيدەرلاندى) وي جارىستىرىپ، ءوزارا تەڭ ءتۇستى.
"ادىرنا" ۇلتتىق پورتالى
