وزبەكستاندا 20:00-دە (استانا ۋاقىتىمەن 21:00) كونستيتۋتسياعا وزگەرىستەر مەن تولىقتىرۋلار ەنگىزۋ بويىنشا رەفەرەندۋمعا داۋىس بەرۋ اياقتالدى، دەپ جازادى "ادىرنا".
كونستيتۋتسيانىڭ جاڭا رەداكتسياسىندا پرەزيدەنتتىك مەرزىم بەس جىلدان جەتى جىلعا دەيىن ۇزارتىلاتىن بولىپ قابىلداندى. وزگەرىستەر ماقۇلدانسا، قازىرگى پرەزيدەنت شاۆكات ميرزيەەۆ 2040 جىلعا دەيىن بيلىكتە قالا الادى.
تۇزەتۋلەر قازىرگى پرەزيدەنت ميرزيەەۆكە مەملەكەت باسشىسى لاۋازىمىنا تاعى ەكى رەت سايلانۋ جانە پرەزيدەنتتىڭ وكىلەتتىكتەرىن كەڭەيتۋ مۇمكىندىگىن ۇسىنادى. قۇجاتتىڭ جاڭا رەداكتسياسىندا مەملەكەتتىڭ ازاماتتاردى ەڭ تومەنگى جالاقىمەن، تۇرعىن ۇيمەن جانە مەديتسينالىق كومەكپەن، سونداي-اق ينتەرنەتكە قولجەتىمدىلىكپەن قامتاماسىز ەتۋ مىندەتى ناقتىلانباق. سونداي-اق، ءولىم جازاسىنا تىيىم سالىنادى.
ايتا كەتەيىك، قاڭتار وقيعاسىنان كەيىن ءبىزدىڭ ەلدە دە رەفەرەندۋم وتكىزىلگەن بولاتىن. ونداعى وزگەرىستەر بويىنشا ءبىر ادامنىڭ پرەزيدەنت بولۋ مۇمكىندىگى ءبىر مارتەلىك 7 جىلمەن شەكتەلدى.
