قر ءماجىلىسىنىڭ دەپۋتاتى داۋلەت مۇقاەۆ قازاقستانان سىرتقا شىعارىلعان جانە جەمقورلاردان تاركىلەرگەن قارجى جايلى پىكىر ءبىردىرىپ، ۇسىنىس ايتتى، دەپ حابارلايدى "ادىرنا" ۇلتتىق پورتالى.
قر ءماجىلىسىنىڭ دەپۋتاتى داۋلەت مۇقاەۆ شەتەلگە زاڭسىز شىعارىلىپ، جەمقورلاردان قايتارىلعان قارجى جايلى ءسوز قوزعادى:
- قازىرگى ۋاقىتتا شەتەلدەرگە زاڭسىز شىعالىپىپ، جەمقورلاردان تاركىلەنگەن اقشالاردىڭ جالپى سوماسى (قارجى ءمينيسترىنىڭ ايتۋىنشا) 670 ميلليارد تەڭگەدەن اسقان. بۇل اقشا ەل يگىلىگى - سونىڭ ىشىندە مەكتەپ سالۋعا، مەكتەپتىڭ جوندەۋ جۇمىستارى مەن جابدىقتارىن الۋعا جۇمسالادى. بۇنىڭ ءبارى قۋانتارلىق جايت، - دەدى اۆتور.دەگەنمەن دەپۋتات قايتقان قارجىنىنىڭ ورىندى جۇمسالۋىن باقىلاۋ ءۇشىن ءوز ۇسىنىسىن ءبىلدىردى:
بىراق، سول اقشانىڭ قايتادان جەلىنىپ كەتپەۋىنە كىم كەپىل؟ "جەمقورلاردىڭ اقشاسى جەلىنىپ جاتىر" دەگەن جاڭالىق ەستىمەس ءۇشىن تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى تاراپىنان ارنايى سايت اشىلۋ كەرەك. ياعني، حالىق ء(بىز) اقشانىڭ قانشا، قايدا كەتىپ جاتقانىن كەز كەلگەن ۋاقىتتا ونلاين تۇردە باقىلاي الاتىنداي مۇمكىندىك بولۋ كەرەك. "ووو، وسىنشا سوما مىنا مەكتەپكە، مىنا جەرگە (كوشەگە) وسىنداي جىلى مەكتەپ سالىنادى، مىنشا اقشا اندا ءبولىندى، قالعانى وسى" دەپ ءبىلىپ وتىرۋىمىز ءتيىس. ءتىپتى، سول مەكتەپتەردى سالاتىن مەردىگەرلەرگە دەيىن... بىزگە اشىقتىق كەرەك! قوعامدىق باقىلاۋ كۇشەيسە عانا ناتيجە، ساپا بولاتىنى ءسوزسىز، - دەدى دەپۋتات.
"ادىرنا" ۇلتتىق پورتالى
ۇقساس جاڭالىقتار
