تالدىقورعان قالاسىنداعى نازارباەۆ زياتكەرلىك مەكتەبىندە جاڭا جىلدىق «مەيىرىمدىلىك شىرشاسى» ءوتتى. بۇل كۇن «اينالايىن» بالالار ءۇيىنىڭ تاربيەلەنۋشىلەرى، شىمىر اۋىلىنىڭ بالالارى ءۇشىن ناعىز سيقىرلى مەرەكەگە اينالدى. مەكتەپتىڭ ءوزىن-ءوزى باسقارۋى مەن وقۋشىلاردىڭ اتا-انالارى بۇلدىرشىندەردى جىلى لەبىزىمەن قۇتتىقتاپ، جاڭا جىلدىق تاتتىلەردى تابىس ەتتى.
NIS وقۋشىلارى كوڭىلدى سايىستار، ەستافەتالار جانە قىزىقتى ويىندار دايىندادى. ءار بالا تاقپاق، كوڭىلدى ءان ايتىپ، بي بيلەدى.
[caption id="attachment_142774" align="aligncenter" width="2560"]
SONY DSC[/caption]
«اينالايىن» بالالار ءۇيىنىڭ تاربيەلەنۋشىسى سانات شەرۋباەۆ ءۇشىن «جاڭا جىل» ەڭ سۇيىكتى مەرەكەلەردىڭ ءبىرى. راسىندا دا، بۇل كۇنى ۇلكەن-كىشىنىڭ ءبارى تىلەك ايتىپ، عاجايىپتان ءۇمىت كۇتەدى. سانات №16 ورتا مەكتەپتىڭ 7-سىنىپ وقۋشىسى، ونىڭ ارمانى – ۇلكەن وتباسى، ۇلكەن ءۇي. «مەن وسكەندە اسپازشى بولعىم كەلەدى، ءدامدى تاماق ازىرلەپ، بارىنە ءدام تاتقىم كەلەدى»، — دەيدى جاس كەيىپكەرىمىز.
ءوز كەزەگىندە «اينالايىن» تاربيەلەنۋشىلەرى ۇيىمداستىرىلعان مەرەكەگە ۇلكەن ريزاشىلىقتارىن ءبىلدىرىپ، زياتكەرلىك مەكتەبىنىڭ ديرەكتورى ۆيكتور سوسين مەن «قامقور» الەۋمەتتىك جوباسىنىڭ ۇيلەستىرۋشىسى جانار ورازباەۆاعا ءوز قولدارىمەن جاساعان سىيلىقتارىن تابىس ەتتى.
بۇل كۇندەرى ءبىز ءوتىپ بارا جاتقان جىلدى شىعارىپ سالۋدامىز. بارلىعىمىز ءۇشىن 2022 جىل وڭاي بولعان جوق. دەسەك تە، جەتكەن جەتىستىكتەر دە، از ەمەس. الداعى وقۋ جىلى بارلىق وقۋشىلارعا، بۇكىل مەكتەپ ۇجىمىنا مۇنىمەن توقتاپ قالماي، بۇدان دا جوعارى ناتيجەلەرگە ۇمتىلۋلارىنا تىلەكتەسپىن، – دەيدى مەكتەپ ديرەكتورى ۆيكتور سوسين.
كوڭىلدى جانە مەرەكەلىك كوڭىل-كۇي تولقىنىندا تالدىقورعانداعى NIS وقۋشىلارى كەلە جاتقان جاڭا 2023 جىلدى قارسى الۋدا.
