Meiırımdılık şyrşasy

Taldyqorǧan qalasyndaǧy Nazarbaev Ziiatkerlık mektebınde jaŋa jyldyq «Meiırımdılık şyrşasy» öttı. Būl kün «Ainalaiyn» ​​balalar üiınıŋ tärbielenuşılerı, Şymyr auylynyŋ balalary üşın naǧyz siqyrly merekege ainaldy. Mekteptıŋ özın-özı basqaruy men oquşylardyŋ ata-analary büldırşınderdı jyly lebızımen qūttyqtap, jaŋa jyldyq tättılerdı tabys ettı. NIS oquşylary köŋıldı saiystar, estafetalar jäne qyzyqty oiyndar daiyndady. Är bala taqpaq, köŋıldı än aityp, bi biledı. [caption id="attachment_142774" align="aligncenter" width="2560"] SONY DSC[/caption] «Ainalaiyn» ​​balalar üiınıŋ tärbielenuşısı Sanat Şerubaev üşın «Jaŋa jyl» eŋ süiıktı merekelerdıŋ bırı. Rasynda da, būl künı ülken-kışınıŋ bärı tılek aityp, ǧajaiyptan ümıt kütedı. Sanat №16 orta mekteptıŋ 7-synyp oquşysy, onyŋ armany – ülken otbasy, ülken üi. «Men öskende aspazşy bolǧym keledı, dämdı tamaq äzırlep, bärıne däm tatqym keledı», — deidı jas keiıpkerımız. Öz kezegınde «Ainalaiyn» ​​tärbielenuşılerı ūiymdastyrylǧan merekege ülken rizaşylyqtaryn bıldırıp, Ziiatkerlık mektebınıŋ direktory Viktor Sosin men «Qamqor» äleumettık jobasynyŋ üilestıruşısı Janar Orazbaevaǧa öz qoldarymen jasaǧan syilyqtaryn tabys ettı.

 Būl künderı bız ötıp bara jatqan jyldy şyǧaryp saludamyz. Barlyǧymyz üşın 2022 jyl oŋai bolǧan joq. Desek te, jetken jetıstıkter de, az emes. Aldaǧy oqu jyly barlyq oquşylarǧa, bükıl mektep ūjymyna mūnymen toqtap qalmai, būdan da joǧary nätijelerge ūmtylularyna tılektespın, – deidı mektep direktory Viktor Sosin.

Köŋıldı jäne merekelık köŋıl-küi tolqynynda Taldyqorǧandaǧy NIS oquşylary kele jatqan Jaŋa 2023 jyldy qarsy aluda.